दैनिक संवाद युगनायकांचा

दुकाने, आस्थपाना सकाळी १० सायंकाळी ५ वाजेपर्यंत सुरु राहणार ·        आजपासून सुधारित नियमावली लागू ·        आंतरजिल्हा प्रवासासाठी ई-पासची सुविधा सुरु राहणार वाशिम, दि. ३१ : जिल्ह्यात ३१ ऑगस्ट २०२० पर्यंत लॉकडाऊन लागू राहणार असून याबाबतची सुधारित नियमावली १ ऑगस्ट २०२० पासून लागू करण्यात येत आहे. जिल्ह्यात यापूर्वी परवानगी दिलेली सर्व दुकाने, आस्थापना, सेवा सकाळी १० ते सांयकाळी ५ वाजेपर्यंतच्या कालावधीत सुरु ठेवण्यास मुभा देण्यात आली आहे. तसेच दवाखाने (पशुवैद्यकीय दवाखान्यांसह), मेडिकल स्टोअर्स २४ तास सुरु राहतील.  मात्र, सोशल डिस्टन्सिंगचे पालन न केल्यास अथवा अशा ठिकाणी गर्दी आढळून आल्यास या आस्थापना, दुकाने बंद करण्यात येतील, असे जिल्हाधिकारी हृषीकेश मोडक यांनी निर्गमित केलेल्या आदेशात म्हटले आहे. नवीन नियमावलीनुसार कृषि उत्पन्न बाजार समितीमधील सर्व प्रकारची कामे सकाळी १० ते सायंकाळी ५ वाजेपर्यंत सुरु राहतील. दुध संकलन व विक्री, भाजीपाला बाजार सकाळी ८ ते सायंकाळी ५ वाजेपर्यंत सुरु ठेवता येईल. सायंकाळी ६ ते रात्री ८ वाजेपर्यंत केवळ दुध संकलना...

शाळा, हॉटेल, सिनेमागृह, धार्मिक स्थळे बंद जिल्ह्यात सर्व शाळा, कॉलेज, शैक्षणिक संस्था, प्रशिक्षण संस्था, कोचिंग क्लासेस इत्यादी बंद राहतील. मात्र शिकविण्याच्या उद्देशाशिवाय इतर बाबींसाठी जसे, पेपर तपासणी, निकाल घोषित करणे, ई-लर्निंग, ई-सामग्री तयार करण्यासाठी शाळांचे कामकाज ठेवता येईल. विलगीकरणासाठी परवानगी दिलेल्या हॉटेल्स व्यतिरिक्त इतर हॉटेल्स, रेस्टॉरंट आणि इतर आतिथ्य सेवा, सिनेमागृह, जिम्नॅशियम, जलतरण तलाव बंद राहतील. सामाजिक, राजकीय, क्रीडा, मनोरंजन, शैक्षणिक, सांस्कृतिक, धार्मिक कार्यक्रम व सर्व प्रकारच्या मेळाव्यांवर बंदी राहणार आहे. सर्व धार्मिकस्थळे, प्रार्थनास्थळे सामान्य व्यक्तींसाठी बंद राहतील. कोणत्याही परिस्थितीत धार्मिक सभा, धार्मिक परिषद, धार्मिक मेळावे भरविता येणार नाहीत. आठवडी बाजार, गुरांचे बाजार बंद राहतील.

इनडोअर क्रीडा प्रकार बंदच; मात्र काही आऊटडोअर खेळांना मुभा क्रीडा संकुलाचा बाह्य परिसर, मैदाने नागरिकांना व्यायामासाठी खुली राहतील. मात्र, याठिकाणी सामुहिक खेळ खेळण्यास बंदी राहील. व्यायामासाठी जाणाऱ्या व्यक्तींनी सोशल डिस्टन्सिंग पाळणे बंधनकारक राहील. इनडोअर क्रीडा संकुल, जिम, खेळावर पूर्णतः बंद राहतील. जिम्नॅस्टिक्स, टेनिस, मैदानावरील बॅडमिंटन आणि मल्लखांब अशा आऊटडोअर असांघिक खेळांना ५ ऑगस्ट २०२० पासून स्वच्छता विषयक उपायांसह परवानगी देण्यात येत आहे. सलून, स्पा, हेअर कटिंगची दुकाने, ब्युटी पार्लर्स या अगोदर निर्गमित केलेल्या बंधनांसह सुरु राहतील.

मास्कचा वापर बंधनकारक; सार्वजनिक ठिकाणी थुंकल्यास दंड सार्वजनिक ठिकाणी नाका-तोंडावर मास्क, रुमाल, गमछा इत्यादीचा वापर बंधनकारक राहील. मास्क, रुमाल, गमछा इत्यादीचा वापर न केल्यास ५०० रुपये दंड आकारण्यात येईल. सार्वजनिक ठिकाणी अथवा कार्यालयीन कामाच्या ठिकाणी थुंकल्यास ५०० रुपये दंड आकारण्यात येणार आहे. सार्वजनिक ठिकाणी मद्य सेवन, पण व तंबाखू खाण्यास प्रतिबंध राहील. सार्वजनिक ठिकाणी व वाहतुकीच्या साधनांमध्ये सोशल डिस्टसिंगच्या नियमांचे पालन करणे बंधनकारक आहे. व्यक्तिगत अंतर किमान ६ फुट इतके आवश्यक आहे. सर्व आस्थापनाधारक, दुकानदारांनी ग्राहकांमध्ये किमान ६ फुटचे अंतर राहील, याची दक्षता घ्यावी, तसेच एकावेळी ५ पेक्षा जास्त ग्राहकांना आस्थापना अथवा दुकानात प्रेवेश देवू नये. व्यक्तींच्या संपर्कात येणारी ठिकाणे, वस्तूंचे सातत्याने निर्जंतुकीकरण करावे. सर्व आस्थापनांनी सोशल डिस्टसिंगचे पालन होण्यासाठी वेगवेगळ्या उपाययोजना कराव्यात, जसे शिफ्टमध्ये काम करणे, कामगारांना मध्य भोजनासाठी वेगवेगळ्या वेळा ठरवून देणे. हॅण्डवॉश, सॅनिटायझर, थर्मल स्कॅनर इत्यादी बाबींची तजवीज संबंधित आस्थापना, प्रतिष्ठान या...

बकरी ईदची नमाज घरीच अदा करा वाशिम, दि. ३१ : कोविड १९ मुळे उद्भवलेल्या परिस्थितीमुळे राज्यात सर्व धार्मिक कार्यक्रमांना बंदी आहे. त्यामुळे वाशिम जिल्ह्यामध्ये बकरी ईदची नमाज मस्जिद अथवा ईदगाह अथवा सार्वजनिक ठिकाणी अदा न करता घरीच अदा करावी, असे जिल्हा आपत्ती व्यवस्थापन प्राधिकरणचे अध्यक्ष तथा जिल्हाधिकरी हृषीकेश मोडक यांनी निर्गमित केलेल्या आदेशात म्हटले आहे. जिल्ह्यामध्ये सध्या जनावरांचे बाजार बंद राहतील. नागरिकांनी जनावरे खरेदी करावयाची असल्यास ऑनलाईन पद्धतीने अथवा दूरध्वनीद्वारे जनावरे खरेदी करावी. शक्यतो प्रतिकात्मक कुर्बानी करावी. जिल्ह्यातील प्रतिबंधित क्षेत्रामध्ये (कन्टेमेंट झोन) लागू करण्यात आलेले निर्बंध कायम राहतील. त्यामध्ये बकरी ईदनिमित्त कोणतीही शिथिलता देता येणार नाही. बकरी ईदच्या निमित्ताने नागरिकांनी कुठल्याही सार्वजनिक ठिकाणी गर्दी करू नये किंवा एकत्र जमू नये. कोविड १९ चा प्रादुर्भाव रोखण्यासाठी शासनाच्या मदत व पुनर्वसन, आरोग्य, पर्यावरण, वैद्यकीय शिक्षण विभाग तसेच संबंधित स्थानिक प्रशासन, पोलीस, नगरपालिका यांनी विहित केलेल्या नियमांचे अनुपालन करणे बंधनकारक राहील. तसेच...

४ ऑगस्ट रोजीचा जिल्हास्तरीय लोकशाही दिन रद्द वाशिम, दि. ३१ (जिमाका) : कोरोना विषाणूचा संसर्ग रोखण्यासाठी एकाच ठिकाणी होणारी लोकांची गर्दी टाळणे, सोशल डिस्टन्सिंगचे पालन करणे आवश्यक आहे. त्यामुळे ४ ऑगस्ट २०२० रोजीचा जिल्हास्तरीय लोकशाही दिन रद्द करण्यात आला आहे. प्रत्येक महिन्याच्या पहिल्या सोमवारी जिल्हास्तरीय लोकशाही दिनाचे आयोजन केले जाते. पहिल्या सोमवारी शासकीय सुट्टी येत असल्यास त्यानंतरच्या कार्यालयीन कामकाजाच्या दिवशी हा लोकशाही दिन आयोजित केला जातो. मात्र, ‘कोरोना’चा संसर्ग रोखण्यासाठी जिल्ह्यात एकाच ठिकाणी लोकांनी एकत्र येण्यास प्रतिबंध करण्यात आला आहे. त्यामुळे ४ ऑगस्ट रोजीचा जिल्हास्तरीय लोकशाही दिन रद्द करण्याचा निर्णय घेण्यात आल्याचे जिल्हा प्रशासनाने कळविले आहे.

शिकाऊ, पक्की अनुज्ञप्तीसाठी ३ ऑगस्ट रोजीची चाचणी रद्द ·        ४  ऑगस्ट रोजी होणार चाचणी वाशिम, दि. ३१ (जिमाका) : जिल्ह्यातील शिकाऊ अनुज्ञप्ती (लर्निंग लायसन्स) व पक्की अनुज्ञप्ती (पक्के लायसन्स) प्राप्त करून घेण्यासाठी काही उमेदवारांनी ३ ऑगस्ट २०२० ही तारीख घेतली आहे. मात्र, ३ ऑगस्ट रोजी स्थानिक सुट्टी असल्याने उप प्रादेशिक परिवहन कार्यालय बंद राहणार आहे. त्यामुळे ३ ऑगस्ट रोजी तारीख घेतलेल्या उमेदवारांच्या चाचण्या ४ ऑगस्ट २०२० रोजी घेण्यात येतील, असे उप प्रादेशिक परिवहन अधिकारी ज्ञा. ए. हिरडे यांनी प्रसिद्धी पत्रकाद्वारे कळविले आहे.

वाशिम येथील महेश भवनमध्ये खासगी संस्थात्मक विलगीकरण केंद्र मंजूर ·          २० खोल्यांची सशुल्क सुविधा उपलब्ध ·          स्त्राव नमुने घेतलेल्या व्यक्तींसाठी राहण्याची सुविधा वाशिम ,   दि. ३१ (जिमाका) :  कोरोना विषाणू संसर्ग विषयक चाचणीसाठी घशातील स्त्राव नमुने घेतल्यानंतर त्याचा अहवाल प्राप्त होईपर्यंत संस्थात्मक विलगीकरणात राहण्यासाठी खासगी संस्थात्मक विलगीकरण केंद्र म्हणून वाशिम येथील महेश भवन अधिसूचित करण्यात येत असल्याचे आदेश जिल्हाधिकारी तथा जिल्हादंडाधिकारी हृषीकेश मोडक यांनी निर्गमित केले आहेत. याठिकाणी राहणाऱ्या व्यक्तींना सशुल्क स्वरुपात नाष्टा, भोजन आदी सुविधा पुरविण्यास मान्यता देण्यात आली आहे. कोरोना संसर्ग आटोक्यात आणण्यासाठी कोरोना बाधितांची चाचणी होवून त्यांचे अलगीकरण करणे आवश्यक आहे. त्यामुळे जिल्ह्यात कोरोना विषयक चाचण्यांची संख्या वाढविण्यात आली आहे. चाचणीसाठी घशातील स्त्राव नमुने घेतल्यानंतर त्याविषयीचा अहवाल प्राप्त होईपर्यंत संबंधित व्यक्तींना सध्या शासकीय संस्थात्मक विलगीकरण ...

आज औरंगाबाद येथे विश्वभूषण डॉ.बाबासाहेब आंबेडकरांनी स्थापन आपली मातृ संस्था पीपल्स एज्युकेशन सोसायटीच्या राज्यातील सर्व महाविद्यालयाच्या इमारतींच्या दुरुस्ती साठी सन 2016 साली डॉ.बाबासाहेब आंबेडकर शतकोत्तर रोप्यमहोत्सवी जयंती वर्षी तत्कालीन सरकारने समता व सामाजिक न्याय वर्षाची घोषणा करून 125 कोटी चा निधी देण्याची घोषणा केली होती.  त्याअंतर्गत पीपल्स एज्युकेशन सोसायटीच्या दुरवस्था झालेल्या महाराष्ट्रातील विविध जिल्हातील शाळा, महाविद्यालय,व वसतिगृहाच्या जीर्ण इमारती च्या विकास निधीसाठीचे प्रस्ताव दाखल केले परंतु आजतागायत एक ही रुपयांचा निधी देण्यात आला नाही परिणामी अनेक इमारती ह्या दुरावस्थेत आहेत. शासनाने घोषित केलेली समता व सामाजिक न्याय वर्षाची घोषणा फसवी आहे तत्कालीन शासनाने निधी दिला नाही व विद्यमान सरकारने तो निधी दाबुन ठेवला आहे. सामाजिक न्याय मंत्री धनंजय मुंढे यांच्या कडे सतत पाठपुरावा करून देखील सदरचा निधी देण्यास टाळाटाळ केली जात असल्याने ह्या विरोधात रिपब्लिकन विद्यार्थी सेनेच्या वतीने सर्व जिल्ह्यामध्ये निवेदन देऊन तात्काळ निधी देण्याची मागणी करण्यात आली आहे या विषयावर र...

रिसोड  तालुक्यातील  गोरगरीब चिंतेत घरपट्टी भरण्याचा तगादा   (रिसोड  प्रतिनिधी  ). वाशिम जिल्ह्यात लाॅकडाऊन संचारबंदी लागू असल्याने.गोरगरीब कुटुंबियांना काम नाही.प्रती माणुस तिन किलो गहु पाच  किलो तांदूळ शासनाच्या या धान्य वाटपाच्या आशेने आपला प्रंपच भागवीत आहेत.मात्र रिसोड तालुक्यातील  ग्रामपंचायत सचिव व प्रशासन घरपट्टी भरा अन्यथा तुमचा पंतप्रधान आवास घरकुल योजनेचा अर्ज स्विकारल्या जाणार नाही.असा तगादा लावत आहेत.गावात आॅनलाईन पद्धतीने लाॅभाथ्याकडुन अर्ज भरुन घेतल्या जात असुन अर्जा सोबत आधारकार्ड घेत आहेत.पंरतु गोरगरीबांना मजुरीचे काम नसल्याने पैसा कुठून येनार.घरपट्टी कशी भरणार हा प्रश्र्न अनेकांना पडलेला आहे.तरी घरपट्टी पाणीपट्टी मार्च ते डिसेंबर २०२० प्रर्यंत ची घरपट्टी पाणीपट्टी थकबाकी माफ करण्यात यावी.व गोरगरीब जनतेला घरपट्टी भरण्याचा तगादा लाऊ नये.गोरगरीब जनतेला सदर गावातील प्रशासनाने दिलासा. द्यावा  अशी मागणी जनतेमधुन होत आहे.

सुशिक्षित बेरोजगार संस्थांना होणार काम वाटप; १० ऑगस्ट पर्यंत प्रस्ताव सादर करण्याचे आवाहन वाशिम ,  दि. १५ :  राज्य शासनाच्या कौशल्य विकास रोजगार व उद्योजकता विभागाच्या धोरणानुसार जिल्हा परिषदेचे मुख्य कार्यकारी अधिकारी यांच्या अध्यक्षतेखालील जिल्हास्तरीय काम वाटप समितीमार्फत जिल्ह्यातील सुशिक्षित बरोजगारांच्या सेवा सोसायटींना कंत्राटी तत्त्वावर काम वाटप करण्यात येते. जिल्हा कौशल्य विकास रोजगार व मार्गदर्शन केंद्राकडे सार्वजनिक न्यास नोंदणी कार्यालयाला कंत्राटी तत्वावर मनुष्यबळ पुरविण्याची मागणी आली आहे. तसेच मानोरा तालुका क्रीडा संकुल समिती येथील ३ पदे, कारंजा तालुका क्रीडा संकुल समिती येथील ३ पदे, मंगरूळपीर तालुका क्रीडा संकुल समिती येथील ३ पदे, मालेगाव तालुका क्रीडा संकुल समिती येथील ३ पदे व अशा विविध कंत्राटी प्रकारची पदे भरण्यासाठी मागणी प्राप्त झाली आहे. जिल्ह्यातील इच्छुक व पात्र जिल्हा कौशल्य विकास रोजगार व मार्गदर्शन केंद्राकडे नोंदणीकृत सुशिक्षित बेरोजगार सेवा सोसायटींनी १० ऑगस्ट २०२० रोजी सायंकाळी ५ वाजेपर्यंत आपले प्रस्ताव आवश्यक कागदपत्रांसह जिल्हा कौशल्य विकास रोज...

वाशिम जिल्ह्यातील निवृत्ती वेतनधारकांना आवाहन वाशिम, दि. २८ (जिमाका) : राज्य शासनाच्या ज्या निवृत्ती वेतनधारकांच्या सन २०१९-२० मधील वेतन देयकामधून आयकर कपात करण्यात आला आहे, अशा निवृत्ती वेतनधारकांचे फॉर्म नं. १६ जिल्हा कोषागार कार्यालयात उपलब्ध झाले आहेत. तरी संबंधित निवृत्ती वेतनधारकांनी आपले फॉर्म नं. १६ जिल्हा कोषागार कार्यालयातून घेवून जावेत, असे आवाहन जिल्हा कोश्गर कार्यालयामार्फत करण्यात आले आहे.

बिगर कर्जदार शेतकऱ्यांनाही आता बँकेत विमा हप्ता भरण्याची सुविधा -          जिल्हाधिकारी हृषीकेश मोडक ·        पीक विमा योजनेच्या कामात दिरंगाई केल्यास बँकांवर प्रशासकीय कारवाई ·        ३१ जुलैपर्यंत बँकांची वेळ सकाळी १० ते सायंकाळी ६ वाजेपर्यंत वाशिम, दि. २७ (जिमाका) : जिल्ह्यात सन २०२०-२१ खरीप हंगामसाठी प्रधानमंत्री पीक विमा योजना लागू करण्यात आली आहे. ३१ जुलै ही विमा हप्ता सादर करण्याची अंतिम मुदत असून कर्जदार व बिगर कर्जदार शेतकऱ्यांसाठी ही योजना ऐच्छिक आहे. कर्जदार शेतकऱ्यांसोबतच बिगर कर्जदार शेतकऱ्यालाही बँकेत विमा हप्ता भरण्याची सुविधा उपलब्ध करून देण्यात आली आहे. तसेच जिल्ह्यातील सर्व बँकांची वेळ सकाळी १० ते सायंकाळी ६ वाजेपर्यंत राहणार असून या कालावधीत पीक विमा हप्ता स्वीकारला जाणार आहे. तरी जिल्ह्यातील जास्तीत जास्त शेतकऱ्यांनी योजनेत सहभागी होण्याचे आवाहन जिल्हाधिकारी हृषीकेश मोडक यांनी केले. सोयाबीन, कापूस, तूर, मुग, उडीद व खरीप ज्वारी पिकाचा प्रधानमंत्री विमा पीक योजनेत समावेश असून जिल्ह्यातील सर्व तालुक्यांतील...

माधवरावजी अंभोरे यांच्या वाढदिवसाच्या निमित्ताने वृक्ष लागवड बेलखेडा:-२६/७/२०वार्ताहर. :- महाराष्ट्र राज्य भर वृक्ष लागवड जोमात सुरू असुन ‌.बेलखेडा ता. रिसोड येथील गावकऱ्यांच्या वतीने.आमचे मार्गदर्शक मराठी पत्रकार परीषदेचे मा.राज्यध्यक्ष तथा दैनिक देशोन्नतीचे वाशिम जिल्हा प्रतीनिधी माधवरावजी अंभोरे यांच्या वाढदिवसानिमित्त येथील सामाजिक वनीकरण क्षेत्रात वृक्ष लागवड करण्यात आली. या वेळी शिवाजी देव्हडे.जगदिश देव्हडे.  आंनदा ताजने.विठ्ठल घोडे.भागवत चव्हाण.उपस्थित होते.यांच्या हस्ते प्रत्येकी पाच वृक्ष लागवड करण्यात आली.कार्यक्रमाचे आयोजन भारत कांबळे वार्ताहर यांनी केले होते.

राज्यात गेल्या 10 वर्षातली विक्रमी कापूस खरेदी मुंबई दि. 24.  राज्यात कोरोनाची परिस्थिती तसेच पावसाला सुरुवात झालेली असून देखील पणन विभागाने विक्रमी 218.73 लाख क्विंटल कापसाची खरेदी केली आहे.  या संदर्भात मंत्रिमंडळाने या कापूस खरेदीसाठी केलेल्या प्रयत्नांबद्धल मुख्यमंत्री, उपमुख्यमंत्री तसेच सहकार व पणन मंत्र्यांचे अभिनंदन केले. गेल्या 10 वर्षात झाली नाही अशी विक्रमी खरेदी झाल्याचे प्रधान सचिव, पणन अनुप कुमार यांनी एका सादरीकरणाद्धारे सांगितले. या खरेदीचे एकूण मुल्य 11,776.89 कोटी रुपये असून आतापर्यात 11,029.47 कोटी इतकी रक्कम शेतकऱ्यांना अदा करण्यात आली आहे.  तसेच सीसीआय ने 30 सप्टेंबर 2020 पर्यंत एफएक्यू दर्जाचा कापूस खरेदी करणार असल्याचे घोषित केले आहे. राज्यात सीसीआय व राज्य कापूस पणन महासंघाने कोव्हिड-19 च्या प्रादुभावापूर्वी अनुक्रमे 91.90 व 54.03 लाख क्विंटल कापूस खरेदी. अशा प्रकारे एकूण 145.93 क्विंटल कापूस खरेदी केली.  कोव्हिड-19 च्या प्रादुभावामुळे कापसाचे बाजारातील दर हमीपेक्षा कमी असल्यसामुळे, शेतकऱ्यांचा कल, शासकीय खरेदी केंद्रावर विकण्याचा होता.  ...

सर्व प्रकारच्या शिष्यवृत्ती योजना  त्वरित द्या अन्यथा  आंदोलन...उच्च शिक्षण घेत असलेल्या विद्यार्थ्यांनी केले निवेदन सादर. रिसोड तहसीलदार यांच्या माध्यमातून मा. मुख्यमंत्री याना निवेदन सादर;  विद्यार्थ्यांनी दिला बंद चा इशारा ! रिसोड तालुक्यातील १०० विध्यार्थ्यांचे तहसीलदार कार्यालया मार्फत मुख्यमंत्री यांना निवेदनातून डॉ. बाबासाहेब आंबेडकर स्वाधार योजना, भारत सरकार शिष्यवृत्ती आणि इतर सर्व योजनांचे लाभ विद्यार्थाना तत्काळ वितरित करण्यात यावे आशा मागणीचे निवेदन विद्यार्थ्यांनी आज तहसीलदार रिसोड यांच्या मार्फत मुख्यमंत्री यांच्या कडे एका निवेदनाद्वारे केली आहे.निवेदनाची प्रतिलिपी मा. उपमुख्यमंत्री, मा. वित्तमंत्री कार्यालय, मा.सामाजिक न्याय व विशेष साहाय्य विभाग मंत्री, राज्य मंत्री, तसेच सचिव आणि समाज कल्याण कार्यालय वाशिम, बुलढाणा, व औरंगाबाद याना  निवेदन प्रतिलिपीत पाठवण्यात आले आहे. निवेदनातून आंदोलन करण्याचा इशारा देण्यात आला आहे.                शासनाच्या वतीने विध्यार्थ्यांना विविध  प्रकारच्या शिष्यवृत्या योजना देण्या...

*बँक सेवा माहिती करिता मोफत ग्रामसहाय्य हेल्पलाईन क्रमांक ची सुरुवात* क्रिसील फाउंडेशन चा उपक्रम  रिसोड - कोविड 19 च्या पार्श्वभूमीवर रिझर्व बँक ,स्टेट बँक आणि नाबार्ड यांच्या माध्यमातून क्रिसील फाउंडेशन च्या सहाय्यातुन मनिवाइज सेंटर च्या अंतर्गत  रिसोड तालुक्यातील बँक खातेधारक यांच्या साठी मोफत ग्राम सहाय्य हेल्पलाइन क्रमांक ची सुरुवात करण्यात आली आहे.                ग्राम सहाय्य च्या माध्यमातून बँक खातेदार यांना लॉक डाऊन च्या काळात घर बसल्या आपले आर्थिक व्यवहार कसे करता येतील या विषयी मोफत माहिती देण्यात येत आहे, तसेच कोरोंना या आजारा बद्दल दक्षता बाबत जनजागृती ही या  ग्राम सहाय्य हेल्पलाइन क्रमांका च्या अंतर्गत करण्यात येत आहे,बँक खातेदार क यांना बँक मध्ये न येता आपले आर्थिक व्यवहार डिजिटल बँकिंग जसे भीम अप्स ,एईपीएस, यूपीआय, गुगल पे, इत्यादी माध्यमा विषयी माहिती देण्यात येत आहे.                  सदर कामकाज जिल्हा अग्रणी बँक  व्यवस्थापक निनावकर ,नाबार्ड चे सहाय्यक व्यवस्थापक विजय ...

महा ई-सेवा केंद्र, सामुहिक सुविधा केंद्र रात्री १० वाजेपर्यंत सुरु ठेवण्यास मुभा वाशिम, दि. २२ (जिमाका) : प्रधानमंत्री पीक विमा योजनेत सहभागी होण्यासाठी शेतकऱ्यांनी विमा हप्ता व प्रस्ताव सादर करण्याची अंतिम मुदत ३१ जुलै २०२० पर्यंत असून जिल्ह्यातील सर्व महा ई-सेवा केंद्र, सामुहिक सुविधा केंद्रावर पीक विमा प्रस्ताव व विमा हप्ता भरण्याची सुविधा उपलब्ध आहे. या योजनेपासून शेतकरी वंचित राहू नयेत, जिल्ह्यातील सर्व महा ई-सेवा केंद्र, सामुहिक सुविधा केंद्र रात्री १० वाजेपर्यंत सुरु ठेवण्यास मुभा देण्यात आली आहे. याबाबतचे आदेशी जिल्हा आपत्ती व्यवस्थापन प्राधिकरणचे अध्यक्ष तथा जिल्हाधिकारी हृषीकेश मोडक यांनी २१ जुलै रोजी निर्गमित केले आहेत. सोयाबीन, कापूस, तूर, मुग, उडीद व खरीप ज्वारी पिकाचा प्रधानमंत्री विमा पीक योजनेत समावेश असून जिल्ह्यातील सर्व तालुक्यांतील सर्व मंडळांना ही योजना लागू आहे. तसेच अधिसूचित क्षेत्रातील अधिसूचित पिके घेणारे कुळाने अगर भाडेपट्ट्याने जमीन करणाऱ्या शेतकऱ्यांसह सर्व शेतकरी प्रधानमंत्री पीक विमा योजनेसाठी पात्र आहेत. प्रधानमंत्री पीक विमा योजनेत सहभागी होण्यासाठी विहि...

• शेतकऱ्यांनी सहभागी व्हावे, कृषि विभागाचे आवाहन बुलडाणा (प्रतिनिधी)  : जिल्ह्यात प्रधानमंत्री पीक विमा योजना पुढील तीन आर्थिक वर्षासाठी लागू करण्यात आली आहे. त्यामध्ये सन 2020-21, 2021-22 व 2022-23 वर्षांचा समावेश आहे. ही योजना आता खरीप व रब्बी हंगामातील अधिसुचीत पिकांकरीता लागू करण्यात आली असून  या योजनेची खरीप हंगाम 2020 ची अंतिम दिनांक 31 जुलै 2020 आहे. या योजनेकरीता खरीप ज्वारी, सोयाबीन, मुग, उडीद, तुर, कापूस व मका पिके अधिसुचीत करण्यात आली आहे.     शेतकऱ्यांना शेतमालच्या अनिश्चित उत्पन्नाची नुकसान भरपाई सामुहिक स्वरूपात मिळावी, या उद्देशाने ही योजना जिल्ह्यात राबविण्यात येत आहे. शेतकऱ्यांना प्रतिकुल हवामान घटकांमुळे पेरणी, लावणी, उगवण न होणे, हंगामातील प्रतिकूल परिस्थितीत झालेले नुकसान, पिक पेरणीपासून काढणी पर्यंतच्या कालावधीत पिकांच्या उत्पादनात येणारी घट, काढणी पश्चात नुकसान, स्थानिक नैसर्गिक आपत्ती याबाबींकरीता विम्याचे संरक्षण मिळणार आहे. खरीप हंगाम सन 2020-21 पासुन योजनेत सहभाग घेण्यासाठी विमा प्रस्ताव बँकेस सादर करतेवेळी सर्व बिगर कर्जदार शेतकऱ्यांनी कागद...

120 रुग्णांवर उपचार सुरु  हिंगोली (प्रतिनिधी) : जिल्ह्यात 12 नवीन कोविड-19 चे रुग्ण आढळून आले असून 2 जणांचा मृत्यू झाल्याचे जिल्हा शल्य चिकित्सक डॉ. किशोर श्रीवास यांनी माहिती दिली आहे.   यामध्ये श्रीनगर हिंगोली येथील 2 व्यक्ती, रिसाला बाजार हिंगोली येथील 2 व्यक्ती, गायत्री नगर हिंगोली येथील 1 व्यक्ती, मस्तानशहा नगर हिंगोली येथील 1 व्यक्ती, तालाबकट्टा हिंगोली येथील 1 व्यक्ती, पारडी ता. वसमत येथील 2 व्यक्ती, शिवाजी नगर वसमत येथील 2 व्यक्ती आणि कनेरगाव वसमत येथील 1 व्यक्ती असे एकुण 12 जणांना कोविड-19 ची लागण झाल्याचा अहवाल प्राप्त झाला आहे.  तर हिंगोली येथील आझम कॉलनी 1 आणि मंगळवारा 1 असे 2 रुग्णांचा कोविड-19 मुळे मृत्यू झाला आहे. तसेच कोरोना केअर सेंटर, वसमत अंतर्गत एकूण 1 कोविड-19 रुग्ण आणि जिल्हा रुग्णालय हिंगोली येथील 3 कोविड-19 रुग्ण असे एकूण 4 रुग्ण बरे झाल्याने त्यांना डिस्चार्ज देण्यात आला आहे. तर जिल्हा सामान्य रुग्णालयातील आयसोलेशन वार्ड येथे भरती असलेल्या कोविड-19 रुग्णांपैकी 8 रुग्णांची  प्रकृती गंभीर असल्याने त्यांना ऑक्सीजन चालू आहे.   जिल्...

 रिसोड:-दि. २२/७/२०२० ( भारत कांबळे)            मानसिक दुर्लभतेने व शैक्षणिक अभावामुळे.पछाडलेले रिसोड तालुक्यातील  प्रत्येक खेडेगावातील तरूण युवकांनी रोजगारीचे साधन म्हणुन  अवैध रित्या दारू विक्रीच्या धंद्याकडे आगेकुच केली असल्याचे दिसून येत आहे.पोलीस प्रशासनाचे जाणीवपुर्वक दुर्लक्ष या बाबत कारणीभुत असल्याने अवैध रित्या दारू विक्रीचे प्रमाण वाढले आहे.रिसोड तालुक्यातील बेलखेडा फाटा ते शिरपुर रस्ता.बेलखेडा ते केशवनगर रस्ता. मसलापेन ते लेहनी रस्ता. मांगुळझनक ते कुकसा केनवड रस्ता.रिठद ते रिसोड रस्ता.रिसोड ते दापुरी रस्ता. सदर रस्त्याच्या प्रत्येक गावात फाट्यावर अवैध रित्या देशी दारु ्विक्री हा व्यवसाय  खुलेआम सुरू असते.सध्या चालु स्थितीत रिसोड.मालेगाव. शिरपुर. या शहरातुन दारू तस्करा माफैत विक्रीसाठी दारु पुरविल्या जात असल्याची चर्चा नागरीकांमध्ये होताना दिसतेआहे.सदर गावातील युवकांची दारु विक्रीच्या ठिकाणी गद्री होत असताना  पोलिसांची मुखदर्शक भुमीका सर्व काही सांगून जाते.वरिठ्ष्ठानी या कडे लक्ष केंद्रित करून कारवाई करने गरजेचे आहे.अ...

रिसोड, मंगरूळपीर शहरातील दुकाने, आस्थापना सकाळी ८ ते दुपारी २ वाजेपर्यंत सुरु ठेवण्यास मुभा वाशिम, दि. २१ (जिमाका) : मंगरूळपीर व रिसोड शहरात १५ ते २१ जुलै दरम्यान संपूर्ण लॉकडाऊन करण्यात आले होते. २२ जुलैपासून या दोन्ही शहरातील लॉकडाऊन शिथिल करण्यात आले आहे. जिल्ह्यातील उर्वरित चार शहरांप्रमाणेच या दोन्ही शहरातही ३१ जुलै २०२० पर्यंत यापूर्वी परवानगी दिलेली दुकाने, आस्थापना, सेवा सकाळी ८ ते दुपारी २ वाजेपर्यंत सुरु ठेवण्यास मुभा राहणार आहे. याबाबतचे आदेश जिल्हा आपत्ती व्यवस्थापन प्राधिकरणचे अध्यक्ष तथा जिल्हाधिकारी हृषीकेश मोडक यांनी आज निर्गमित केले आहेत. सर्व दवाखाने (पशुवैद्यकीयसह), मेडिकल २४ तास सुरु ठेवण्यास मुभा देण्यात आली आहे. रिसोड नगरपालिका (निजामपूर, घोन्सर , सवड गावांसह) हद्दीत आणि मंगरूळपीर नगरपालिका (जांब ग्रामपंचायतमधील सोनखास, मुर्तीजापूर, शहापूर, शेलगाव या गावांसह) हद्दीत २२ जुलै ते ३१ जुलै २०२० (दोन्ही दिवस धरून) या दरम्यान यापूर्वी परवानगी दिलेली सर्व दुकाने, आस्थापना, प्रतिष्ठाने, सेवा सकाळी ८ ते दुपारी २ वाजेपर्यंत सुरु राहतील. दवाखाने, मेडिकल स्टोअर २४ तास सुरु राह...

कोरोना संसर्गाची लक्षणे असलेल्या प्रत्येक व्यक्तीने 'रॅपिड अँटीजेन टेस्ट' करून घ्यावी - जिल्हाधिकारी हृषीकेश मोडक ·        प्रत्येक तालुक्यात एक अँटीजेन टेस्ट सेंटर कार्यान्वित वाशिम, दि. २१ (जिमाका) : जिल्ह्यातील कोरोना विषाणू संसर्गाची लक्षणे असलेल्या व्यक्तींची रॅपिड अँटीजेन टेस्ट करण्याचा निर्णय घेण्यात आला आहे. याकरिता प्रत्येक तालुक्यात एक अँटीजेन टेस्ट सेंटर कार्यान्वित करण्यात आले आहे. तरी अशी लक्षणे असलेल्या जिल्ह्यातील प्रत्येक व्यक्तीने आपली अँटीजेन टेस्ट करून घेण्याचे आवाहन जिल्हाधिकारी हृषीकेश मोडक यांनी केले आहे. कोरोना विषाणू संसर्गाचे लवकर निदान व उपचार झाल्यास रुग्ण बरे होण्याची शक्यता अधिक आहे. त्यामुळे ताप, सर्दी, कोरडा खोकला, घसा दुखणे, जिभेची चव जाणे, श्वास घेण्यास त्रास होणे यासारखी लक्षणे असणाऱ्या व्यक्तींनी स्वतःहून आरोग्य तपासणी करून घेण्याचे आवाहन प्रशासनामार्फत सातत्याने करण्यात येत आहे.  कोरोना संसर्गाचे लवकर निदान व्हावे, यासाठी आता प्रत्येक तालुक्याच्या ठिकाणी रॅपिड अँटीजेन टेस्ट सुरू करण्यात आली आहे. नागरिकांना स्वतःहून जावून याठिक...

केंद्र व राज्य शासनाने कोविड-१९ साथरोग व टाळेबंदीमुळे होणाऱ्या दुष्परिनामा बाबत लोक कल्याणकारी अनेक योजनांचा लाभ लाभार्थ्याना मिळण्या करिता पाठपुरावा.. केंद्र व राज्य शासनाने कोविड-१९ साथरोग व टाळेबंदीमुळे होणाऱ्या दुष्परिनामा बाबत लोक कल्याणकारी अनेक योजना घोषीत केल्या आहेत. खरोखर सर्व सामान्य जनते पर्यंत पोहचतात किंवा नाही यावर नजर ठेवून पारदर्शकता निर्माण करण्यासाठी या योजनांच्या अंमलबजावणी बाबत एन.डी.एम.जे. आणि राष्ट्रीय दलित मानवाधिकार अभियान यांच्या प्रयत्नातून “WeClaim” या मोबाइल ऐप च्या माध्यमातून सर्व्हे करण्यात आला होता. आपण कॉल करून मिळवीलेल्या माहितीचा आधारे जिल्ह्यातील ज्या लाभार्थ्याना विविध योजनांचा लाभ मिळाला नाही त्यांची यादी तयार करण्यात आली आहे.  आपण आपल्या जिल्ह्यात जिल्हाधिकारी यांना अर्ज द्या किंवा मेल करा सोबत यादी जोडा (अर्ज फॉर्मेट व यादी सोबतदिली आहे). सोबत जोडलेल्या यादीतील लाभार्थ्याना (दरम्यान ज्यांना लाभ मिळाला असेल ते वगळून) विविध योजनेनुसार तातडीने लाभ देण्याची मागणी करा. प्रत्येक योजनेचा वेगळा अर्ज द्या  1)पी एस खंदारे  राज्य सहसचिव ,...

शिष्यवृत्याकरीता वित्त विभागाने मंजूरी द्यावी राहुलदेव मनवर यांची मागणी रिसोड:-दिनांक २०/७/२०(भारत कांबळे) डाॅ.बाबासाहेब आंबेडकर स्वाधार शिष्यवृत्ती निधीला वित्त विभागाने मंजूरी द्यावी अशी मागणी राहुलदेव मनवर यांनी राज्याचे वित्त विभागाचे प्रधान सचीव यांना ई मेलद्वारे व भ्रमणध्वनीद्वारे केली.     राज्यात डाॅ.बाबासाहेब आंबेडकर स्वाधार योजनेच्या २०१९-२० सत्रातील विद्यार्थ्यांना अजूनपर्यंत परतावा न मिळाल्याने ती रक्कम मिळण्याकरीता मनवर यांनी १३ मे रोजी शासनास निवेदन पाठवून मागणी केली होती. त्यावर शासनाने सामाजीक न्याय विभागाचे आयुक्त यांना तसा प्रस्ताव सादर करण्याच्या सुचना दिल्या होत्या. त्यानंतर सा.न्या.विभागाचे राज्य आयुक्त राजेंद्र दराडे पुणे यांनी तसा प्रस्ताव शासनास पाठवला. त्यानंतर सामाजीक न्याय विभागाने "भारतरत्न डाॅ.बाबासाहेब आंबेडकर स्वाधार योजना" या विषयाचा मागणी प्रस्ताव नस्ती क्र.बीसीएच प्र.क्र.१२०/२०२०/शिक्षण-२ दि.१६ जुलै रोजी वित्त विभागास मंजुरीकरीता पाठवीला आहे. त्याला वित्त विभागाने मंजुरात देवून अमरावती विभागातील विद्यार्थ्यांना तात्काळ रक्कम देण्यात यावी अशी ...

सीमा भागात स्थापन करण्यात येणाऱ्या महाविद्यालयाच्या कामाला गती देण्याचे उच्च व तंत्र शिक्षणमंत्री उदय सामंत यांचे निर्देश सध्याच्या कोरोना परिस्थितीमुळे अंतिम वर्षाच्या परीक्षा घेणे शक्य नाही – उच्च व तंत्र शिक्षणमंत्री उदय सामंत सीमा भागातील नवीन शासकीय मराठी महाविद्यालय सुरू करण्यासंदर्भात आढावा बैठक संपन्न मुंबई, दि.19 : महाराष्ट्र – कर्नाटक सीमाभागाची शैक्षणिक गरज लक्षात घेऊन मराठी भाषिक विद्यार्थ्यांसाठी शिवाजी विद्यापीठ कोल्हापूर संचलित नवीन शासकीय मराठी महाविद्यालय स्थापन करण्यात येत आहे. या महाविद्यालयाच्या कामाला अधिक गती द्यावी यासाठी आवश्यक ती प्रक्रिया तातडीने पूर्ण करावी, असे उच्च व तंत्र शिक्षण मंत्री उदय सामंत यांनी सांगितले. शिवाजी विद्यापीठ कोल्हापूर येथे उच्च व तंत्र शिक्षण मंत्री उदय सामंत यांच्या अध्यक्षतेखाली सीमा भागातील मराठी भाषिक विद्यार्थ्यांसाठी नवीन शासकीय मराठी महाविद्यालय स्थापन करण्यासंदर्भात आढावा बैठक संपन्न झाली. श्री. सामंत म्हणाले, सीमा भागात महाविद्यालये लवकर स्थापन करणे, तिथे शैक्षणिक सुविधा निर्माण करणे गरजे आहे. त्यासाठी उपलब्ध जागेची पाहणी करून ...

कोरोना या महाभयंकर रोगाच्या काळात आजारी पडलेल्या रोग्यांना रक्ताची आवश्यकता असते.याचा विचार करून संत सावता महाराज यांच्या 726 व्या पुण्यतिथी निमित्य सोसिएल डिस्टन्स चे काटेकोर पणे  पालन करून साई सावता ग्रुप च्या विशेष पुढाकारातून व सेवार्थ चॅरिटेबल ट्रस्ट च्या सहकार्याने आयोजित भव्य रक्तदान शिबीर चंडिका वेश वाशिम येथे आयोजित केले असता .सामान्य रुग्णालयाची सर्व टीम कॅम्प या करीता हजर होती त्यात तीन महिलांनी रक्तदान केले त्या महिला  रक्तदात्यांना रक्तदानाचे प्रमाणपत्र व संत सावता महाराजांची प्रतिमा पी. आय. मा.भारद्वाज मॅडम,व सौ.किरण गि-हे राष्ट्रीय अध्यक्ष महिला आघाडी तथा राज्य सदस्य वंचित बहुजन आघाडी ,सौ.अरुणा विनोद जाधव या महिलांना देतांना मा.उपाध्यक्ष न प वाशिम आदरणीय नारायणराव जाधव,निवृत्त शिक्षक आदरणीय इंगोले सर,कृ उ बाजार समिती संचालक गजाननभाऊ जाधव,समाजसेवक संजयभाऊ इंगोले,युवा सेना शहरप्रमुख गजुभाऊ ठेंगडे,समाजसेवक संतोषभाऊ जाधव.

सार्वजनिक उत्सवादरम्यान जिल्ह्यात कायदा व सुव्यवस्था चोख ठेवा – गृहमंत्री अनिल देशमुख विभागीय आयुक्त कार्यालयात घेतला विविध कामांचा आढावा नागपूर  : येत्या काळात गणेशोत्सव, बकरी ईद आदी महत्त्वपूर्ण सार्वजनिक उत्सव सुरु होत आहेत. त्यादरम्यान राज्य शासनाने नुकत्याच मार्गदर्शक सूचना निर्देशित केल्या असून, त्यांची अतिशय कडक अंमलबजावणी करताना कायदा व सुव्यवस्था चोख ठेवण्याचे निर्देश गृहमंत्री अनिल देशमुख यांनी संबंधित यंत्रणेला दिले. विभागीय आयुक्त कार्यालयात आज कायदा व सुव्यवस्था आढावा बैठक घेण्यात आली. त्यावेळी ते बोलत होते. पालकमंत्री डॉ.नितीन राऊत, खासदार कृपाल तुमाने, आमदार प्रकाश गजभिये, आमदार विकास ठाकरे, विभागीय आयुक्त डॉ. संजीव कुमार, जिल्हाधिकारी रवींद्र ठाकरे, मनपा आयुक्त तुकाराम मुंढे, विशेष पोलीस महानिरीक्षक के. एम. मल्लिकार्जुन प्रसन्ना, पोलीस सहआयुक्त नीलेश भरणे, आरोग्य उपसंचालक डॉ.संजय जायस्वाल, मेडिकलचे अधिष्ठाता डॉ. सजल मित्रा, मेयोचे अधिष्ठाता डॉ. अजय केवलिया, जिल्हा शल्य चिकीत्सक डॉ. व्ही. डी. पातूरकर, डॉ.अविनाश गावंडे यांच्यासह संबंधित विभागाचे अधिकारी उपस्थित होते. ...

आठवडाभरात होणार सर्वदूर वितरण अमरावती, दि. 19 : जिल्ह्यात युरियाचा पुरवठा सुरळीत व्हावा यासाठी राज्याच्या महिला व बालविकासमंत्री तथा जिल्ह्याच्या पालकमंत्री ॲड यशोमती ठाकूर यांनी केलेल्या पाठपुराव्याला यश मिळाले आहे. इफको, आरसीएफ आदी विविध कंपन्यांमार्फत युरिया बडनेरा, धामणगाव रेल्वे येथील रेल्वे रेक पॉईंटवर पोहचला आहे. पुढील आठ दिवसात विविध कंपन्यांच्या सहा हजार 350 मेट्रीक टन युरियाचा पुरवठा सर्व तालुक्यात केला जाणार आहे.

गाडगे महाराज उच्च माध्यमिक विसंतद्यालयाची उत्कृष्ट निकालाची परंपरा कायम!  कनिष्ठ महाविद्यालयाचा एकूण निकाल 99%  रिसोड, (भारत कांबळे)     तालुक्यातील मोठेगाव येथील संत गाडगे महाराज उच्च माध्यमिक विद्यालयाचा फेब्रुवारी मार्च 2020 मध्ये घेण्यात आलेल्या उच्च माध्यमिक प्रमाणपत्र परीक्षेचा निकाल नुकताच जाहीर झालेला असून   महाविद्यालयाने आपल्या उत्कृष्ट निकालाची परंपरा कायम राखत महाविद्यालयाचा यावर्षीही निकाल तब्बल 99.07 लागला असून विद्यालयाने आपल्या यशाची परंपरा कायम ठेवली आहे.        सदर परीक्षेमध्ये विद्यालय मधून  एकूण 93 विद्यार्थी परीक्षेला प्रविष्ट झाले होते, त्यापैकी 92 विद्यार्थ्यांनी प्रत्यक्ष परीक्षा दिली त्या पैकी 91 विद्यार्थी उत्तीर्ण झाले.     महाविद्यालया मधून 90% गुण घेऊन प्रथम येण्याचा मान कु.सायली विठ्ठल मुठठे हिने मिळवला तर कु.पायल शिवाजीराव देशमुख हिने 88% टक्के गुण घेऊन द्वितीय तर स्वप्निल माणिकराव घोंगडे 85.23%, कु.शुभांगी अशोक कुंदर्गे 84.92%,  कु. विनया प्रदीपराव देशमुख हिने 83.83 % गुण घेऊन अनुक...

संत सावता माळी यांच्या पुण्यतिथी निमित्य जिल्हा सामान्य रुग्णालयाला श्री.साई सावता ग्रुप ,वाशिम यांच्या आयोजना नुसार व सेवार्थ चॅरिटेबल ट्रस्ट यांच्या सहकार्याने आयोजन केले.तेव्हा रक्तदान करतांना सौ.किरणताई गि-हे व पी आय भारदवाज मॅडम यांनी  केले  रक्तदान 

उमेद अभियानांर्तगत येवता येथे परस बाग कार्यशाळा संपन्न   येवता वार्ताहर :- ग्रामीण जीवन्नोती उमेद अभियानांर्तगत बचत गटासाठी महिला अधिकाधिक सक्षम आणि स्वावलंबी होण्यासाठी विविध उपक्रम राबविले जातात.शेंद्रीय पद्धतीने भाजीपाला पिकवून आपला उद्र्निर्वाह भागवून नैसर्गिक , पोष्टिक,ताजा आणि विषमुक्त भाजीपाला आपल्या कुटुंबाला उपलब्ध होऊन आपल्या कुटुंबाचे आरोग्य चांगले राहावे हा उद्देश बाळगून परसबाग हा उपक्रम राबविला जातो. येवता येथे जवळपास १७ बचत गट कार्यरत असून येवती येथील  C T C सौ रुपाली शिंदे यांनी येवता येथे येऊन परसबाग कार्यशाळेचे  आयोजन केले होते. C T C सौ रुपाली शिंदे  आणि येवता येथील ICRP सौ.सविता देशमुख  यांनी प्रत्येकाच्या शेतात जाऊन परसबागेसाठी नियमाप्रमाणे जागेची आखणी करून दिली.उपस्थित महिलांना व्यवस्थित समजाऊन सांगितले.आखून दिलेल्या प्रत्येक भागात कोणता भाजीपाला कोणत्या ऋतू मध्ये लावायचा आणि त्याची निगा कशी राखायची याबद्दल सविस्तर मार्गदर्शन केले. येवता येथे त्यांनी चोपडे ,जारे,देशमुख,यांच्या शेतात जाऊन सर्व प्रात्यक्षिक समजावून सांगितले.तसेच येवता येथील पर...

कोरोना संसर्गजन्य आजाराला अजीबात घायबरु नका  रिसोड :- दिनांक १९/७/२०२०( प्रतीनिधी  भारत कांबळे) /आपल्या आजूबाजू ला कोरोना रुग्ण सापडत आहेत, याचे जास्त टेन्शन घेऊ नका.   सगळ्यात महत्वाचे जो कोणी कोरोना positive होईल त्याच्या बद्दल भीती,  घृणा.मनामध्ये आणू नका, कारण ही वेळ कोणावरही येऊ शकते. पण सगळ्यात महत्वाचे  या आजाराला जास्त घाबरू नका. अनेक तज्ञ डॉक्टरांचे म्हणने आहे की रोगा पेक्ष्या ? भीतीने जास्त लोक मरत आहेत, त्याच्याफक्त भीती आणि हार्ट अटॅक ने. कोणतीही negative बातमी पसरू देऊ नका. एकमेकांना सतत फोन वर बोला, मन हलकं करा, कोरोना वर जास्त बोलू नका, बोलला तर फक्त चांगलं बोला. दुसऱ्याला आधार वाटेल असेच बोला. आज सगळे चिंतेत आहेत त्यामुळे खाली उतरायला पण घाबरतात. काळजी घ्यायचीच आहे, पण मानसिक त्रास होईल इतकी पण नाही. तणाव हा वेगळ्या आजारांना आमंत्रण आहे. तणाव रहित राहायचे तर, एकटे कोंडून घेऊन चालणार नाही. मोकळा श्वास घ्या, सर्व मित्रांशी कायम बोलत राहा. त्यातून मन हलकं करा. ही आजच्या काळाची गरज आहे. सर्वांशी कायम बोलत राहा, फक्त कोरोना विषयी अजिबात बोलू नका,...

बेलखेडा येथे संत्रा लागवड जोमात सुरु.     रिसोड :(प्रतिनिधी ) बेलखेडा येथील अनेक शेतकऱ्यांनी पन्नास ते साठ एकर जमीनीत . ऋषी महाराज संत्रा उत्पादक स्वंय साय्यता गट रिसोड तालुका अध्यक्ष डॉ.रामचंद्र देव्हडे यांच्या मार्गदर्शनाखाली.संत्रा रोपे लागवड केली.तसेच माधव ओंकार बनसोड+ कैलास सुदामराव बनसोड यांनी आपल्या पारडी शेतशिवारात प्रती दिड दिड एकर जमीन क्षेत्रात संत्र्याच्या लागवड केली. या जमीनीत सोयाबिन पिक बहरत असुन .संत्रा लागवड केली असल्याने उत्पादन शुल्क वाढणार आहे.गेले दोन दिवस मुसळधार पाऊस कोसळत असल्याने येथील शेतकऱ्यांनी संत्रा लागवडी कडे लक्ष केंद्रित केले आहे.तसेच यांच्या शेतात आंब्याचे मोठे झाड असुन .झाडावर आंब्याचे फळ दिसत आहे.या आंब्याला पावसाळा.हिवाळा.ऊन्हाळा बाराही महिने आंब्याचे फळ येतात.या आंब्याच्या फळा पासुन यांना उत्पन्न मिळते.या झाडांना तिन ते चार हजार फळे येतात.या आंब्याला बगन्यासाठी लोकांची रिग लागत असल्याचे माधव बनसोड यांनी दैनिक  संवाद  युगनायकांचा वृत्तपत्र प्रतिनिधीशी बोलताना सांगितले.

• धनंजय मुंडे यांनी बैठकीनंतर दोन तासातच काढला प्रश्न निकाली मुंबई (प्रतिनिधी) :- बीड जिल्ह्याचे पालकमंत्री धनंजय मुंडे यांनी आज दुपारी (दि.१७) सांगितल्याप्रमाणे राज्यशासनाच्या वेबसाइटवरून बीड जिल्ह्याच्या पिकविम्याबाबत अधिकृत शासन आदेश जारी करण्यात आला असून, याद्वारे आता आपले सरकार सेवा केंद्रामधून शेतकऱ्यांना आपला पीकविमा भरता येणार आहे. आज दुपारी व्हीडिओ कॉन्फरन्सिंगद्वारे आयोजिलेल्या मंत्रिमंडळ उपसमितीच्या बैठकीस ना. मुंडे यांनी उपस्थिती लावत याबाबत शासन स्तरावरून आदेश जारी करणेबाबत चर्चा केली होती, त्यानंतर अवघ्या दोन तासातच राज्य शासन कृषी विभागाने बीड जिल्ह्यातील खरीप हंगाम २०२० -२१ सह पुढील तीन वर्षांसाठी भारतीय पीक विमा कंपनी (ऍग्रीकल्चर इन्शुरन्स कंपनी) यांच्या नियुक्ती बाबत आदेश जारी केला आहे. दरम्यान आपले सरकार सेवा केंद्राच्या पीक विमा हफ्ता भरण्याच्या सॉफ्टवेअर मध्ये आता बीड जिल्हा समाविष्ट झाल्याने शेतकऱ्यांना मोठा दिलासा मिळाला आहे. या आदेशानुसार शेतकऱ्यांच्या संरक्षित विमा रकमेच्या ११०% पेक्षा जास्त विमा रक्कम असल्यास वरील उर्वरित भार राज्य शासनाच्या वतीने भरण्यात येणा...

• पोलीसांनी खाक्या दाखवताच सावळदबारा येथे वि.का.सोसायटीच्या मदीराधुंद व सैराट झालेल्या गटसचिवाने मांगीतली माफी... • पत्रकारास दिल्या होत्या शिव्या..... • व्हीडीओ झाला व्हायरल..... -------------------------- सोयगाव (प्रतिनिधी) :-  तालुक्यातील सावळदबारा येथील  विविध कार्यकारी. सोसायटीचे गटसचिव यांनी केंद्रीय पत्रकार संघाचे कोषाध्यक्षास जिवे माण्याची धमकी देत अशील शिवीगाळ केली असता पोलीसांनी खाक्या दाखवताच गावक-यांसमोर जाहीर माफी मांगीतली माफी नामा लिहुन दिल्याची घटना (दि.१७) शुक्रवारी सावळदबारा ता.सोयगाव  येथे घडली. सावळदबारा दुर्गम डोंगराळ भागात वि.का.सोसायटीचे गटसचिव सोसायटी कर्ज वाढवून देण्यासाठी शेतक-यांना लाचेची मागणी करीत असल्याची तक्रार कें.प.संघाचे पदाधिकारी सुनिल माकोडे यांना केली असता परिसरातील संघटनेचे पदाधिकारी स्टींग आपरेशन करुन बातमी घेण्यासाठी गेले असता ही बाब गटसचिव असलेले सोनु चव्हाण यांच्या लक्षात आल्याने कर्तव्यावर मदीरा ढोसललेले चव्हाण यांनी व्हीडीओ स्टींग दरम्यान अनावर होत उपस्थीत पत्रकार माकोडे यांना अवाच्छ असभ्य भाषेत शिवीगाळ केली असता. सावळदबारा पोली...

महाराष्ट्र अंधश्रद्धा निर्मूलन समिती आणि परिवर्तनवादी चळवळीतील सर्व सन्माननीय मान्यवर मंडळी ना विनंती आहे की महाराष्ट्र अंधश्रद्धा निर्मूलन समिती च्या वतीने अकोला, बुलढाणा व वाशिम या तिन जिल्ह्यातील कार्यकर्ते साठी ऑनलाईन प्रशिक्षण कार्यशाळा आयोजित करण्यात आली आहे. दिनांक 20जुलै 2020ते 22जुलै 2020,सोमवार, मंगळवार, बुधवार या तिनही दिवसी दुपारी 4ते5.30या वेळेत झुम या मोबाईल अॅप वर ऑनलाईन प्रशिक्षण होणार आहे कृपया आपण सोबत दिलेली लिंक वर क्लिक करून आपल्या नांवाची नोंदणी करून प्रशिक्षण कार्यशाळेत सहभागी व्हावे हि नम्र विनंती.  विनीत:-महाराष्ट्र अंधश्रद्धा निर्मूलन समिती जिल्हा शाखा वाशिम...

बेलखेडा येथील पाणी भरणाऱ्या महिलांची रस्त्याअभावी दुर्दशा (रिसोड :-भारत कांबळे).  बेलखेडा येथील . जिल्हा परिषद प्राथमिक शाळा ते महादेव मंदिर रस्त्यावर महिलांना पाणी भरण्यासाठी नळयोजने द्वारे नळ आहे.मात्र नळावर पाणी भरण्यासाठी ये-जा करणा-या  महिलांना पाणी साचलेल्या गटारातुन पाणी भरावे लागत आहे.नळापासुन काही अंतरावर लक्ष्मी नारायण ताजने.विमल हरीभाऊ ताजणे. शिला अंबादास ताजणे. विद्या अरुण ताजणे. लक्ष्मी नारायण रनखांब.अदिचे घरे असल्याने रस्त्यातच त्यांच्या दारा समोर खड्या पडुन चिखलाची गटार साचल्याने .या गटारीतुनच या महिलाना पिण्याचे पाणी भरावे लागत आहे.या गटारात महिला पाण्याचे भांडे   घेऊन पडु शकतात.व अपघात घडु शकते.रस्त्याअभावी चिखल गटारातुन पाणी भरावे लागत असल्याने त्यांना  त्वचारोग होण्याची दाट शक्यता  आहे. महिलांची पिण्याच्या  पाण्यासाठी   पायपिट होत आहे. संबधिताने .या रस्त्यावरील खड्डे पडलेले बुजुन रस्ता बांधुन द्यावा.अशी मागणी महिलांनी केली आहे. रस्त्याची दुरुस्ती  न  केल्यास रिसोड पंचायत समिती कार्यालया समोर उपोषन धरण्याचा निर्धार...

मुंबई (प्रतिनिधी)  :  राज्यातील अनुसूचित क्षेत्रातील  ( पेसा क्षेत्र )  १३ जिल्ह्यातील ५ हजार ९८२ गावांकरिता ५ टक्के थेट अबंध निधी योजनेचा १६० कोटी ७३ लाख रुपयांचा निधी वितरीत करण्यात आला असल्याची माहिती ग्रामविकास मंत्री हसन मुश्रीफ यांनी दिली. हा निधी ग्रामसभांनी संबंधीत आदिवासी गावांतील विविध विकास कामांकरिता खर्च करण्याचे आवाहन त्यांनी केले आहे.   आदिवासी भागातील गावांचा सर्वांगीण विकास व्हावा यासाठी हा निधी थेट त्या गावांना देण्याची योजना आहे. या निधीतून गावांमध्ये विविध पायाभूत सुविधांचा विकास ,  वनहक्क अधिनियम व पेसा कायद्याची अंमलबजावणी ,  आरोग्य ,  स्वच्छता व शिक्षण , वनीकरण ,  वन्यजीव संवर्धन ,  जलसंधारणाची विविध कामे ,  वनतळी ,  वन्यजीव पर्यटनास चालना देणारे उपक्रम ,  वन उपजिविका आदी विविध कामे करता येतात.    यापुर्वी ही योजना आदिवासी विकास विभागाअंतर्गत कार्यरत होती. परंतु जनजाति सल्लागार परिषदेच्या पन्नासाव्या बैठकीत झालेल्या निर्णयानुसार १९ जून २०१९ पासून ही योजना ग्रामविकास विभागाकडे हस्तांतरीत करण...

ग्रामविकास मंत्री महोदय महाराष्ट्रातील जनतेची फसवणूक थांबवा अन्यथा राजीनामा द्या. Hasan Mushrif  CMO Maharashtra राज्यातील ग्रामपंचायती वर प्रशासक नेमतांना पारदर्शकता असावी.पुणे राष्ट्रवादी काँग्रेस पार्टीचे कार्यालय इच्छूक उमेदवाराकडून ११ हजार रुपायचे पुरावे मागत आहे .यामुळे पक्षा चे ग्रामविकासमंत्रीच हा अजेंडा पक्षा मार्फत चालवत आहेत हे स्पष्ट होते .पैशाचा हा घोडेाजार त्वरित थांबवला गेला पाहिजे ही मागणी  वंचित  बहुजन  आघाडी  तर्फे करण्यात येत आहे .

12 वी मध्ये पास झालेल्या सर्व विद्यार्थ्यांना समोरील वाटचालीस *शुभेच्छा* !  नापास झालेल्या विद्यार्थ्यांनी खचून न जाता आणखी जिद्दीने प्रयत्न करून यशप्राप्त करावे तुम्हास पण *शुभेच्छा* ! 💐💐💐 -:आपलाच:-  अॅड.भारत गवळीकर वंचीत बहुजन आघाडी            जिल्हा  संयोजक  समिती  विधानसभा रिसोड  मालेगाव

# कोरोना पेक्षा आता  बेरोजगारीचे संकटं#   बेलखेडा :-दिनांक १६/७/२०२० ( वार्ताहर).               दिवसेदिवस कोरोनाच्या वाढत्या  प्रादुर्भावामुळे गोरगरीब जनतेला . दररोज अनेक संकटाना सामोरे जावे लागत आहे.त्यांना कुणीही रोजगार उपलब्ध करून देत नाही.कुणी रोजगार दिला तर मोबादला देण्यात टाळाटाळ होते.अशा कठीण प्रसंगी अनेक अडचणी मुळे गरीब हातावर पोट असलेल्या लोकांनवर उपासमारीची वेळ आली आहे.रोजगारांच्या निमीत्ताने शहराकडे धाव घेतलेले अनेक मजुर कामगार आपल्या गावाकडे परत लेले आहेत.आता मात्र रोजगारासाठी शहरात परत जाण्यास अनेक जन अनुकूल असल्याने गजबजलेल्या खेड्यात  रोजगारी वाढली असुन .कोरोनापेक्षा मोठे संकट आवासुन उभे राहिले आहे.रिसोड तालुक्यातील बेलखेडा.आसेगावपेन.वरूडतोफा.कोयाळी. रिठद.हिवरापेन. पारडी.खडकी व इतर अनेक गावातील असंख्य मजुर.कामगार रोगारीच्या निमित्ताने मुंबई पुणे नागपूर औरंगाबाद सुरतृ सारख्या महानगरात वास्तव्याला राहत होते.मार्च मध्ये सुरुवात झालेल्या कोरोनाच्या संकटामुळे सर्व देशभर लाॅकडाऊन संचारबंदी लागू करण्यात आल्यामुळे मजुरां...

एकाच  रात्री तीन  ठिकाणी चोरी रात्रीची पोलिस गस्त वाढवावी नागरिकांची मागणी  नांदेड/हिमायतनगर (नागोराव शिंदे) :-   हिमायतनगर शहरातील शंकर नगर येथे वयोवृद्ध  अंध पति हे दांमपत्य मागील कित्येक वर्षा पासुन राहत होते व त्यांचा मुलगा नांदेड येथे वास्तव्यास राहतो सुरेश देशपांडे हे दोन्ही डोळ्याणि अंधळे असल्यामुळे व त्यांच्या पत्नी शोभा सुरेश देशपांडे हे दोघे घरी राहत होते ह्याचा फायदा घेऊन आदन्यात चोरट्यांनी त्यांच्या घरामागील असलेली खिडकी तोडूंन त्यांच्या घरात प्रवेश केला व त्या दांमपत्यास बे दम मारहान करुण त्या  वयोवृद्ध महिलेच्या कानातील सोन्याची फुले झटका मारुन काना सह घेऊन गेले व त्यांच्या घरातील रोख रक्कम व इतर मोल्यावान वस्तु घेऊन ते पसार झाले. त्याच रात्री शहरातील जाज्वल्य देवस्थान कनकेश्वर मंदिराची दानपेटी फोडून दान रूपी जमा झालेली रक्कम घेऊन त्याच मंदिराच्या शेजारी असलेल्या जिलानी हाशमी यांच्या शेतातील खताची पोती व फवारनिचे औषध घेऊण त्यांच्या कोठ्याची नास धुस करुण तेथून ते पसार झाले त्यामुळे हिमायतनगर शहरात दिवसेंन दिवस भुरट्या चोरांचे प्रमाण वाढत आहे व ...

#कोरोना संसर्गजन्य आजारा पासुन सावधता बाळगा#(रिसोड प्रतीनिधी ).         रिसोड तालुक्यातील बेलखेडा.पारडी तिखे. हिवरापेन. कोयाळी.येवती.खडकी.आसेगावपेन .सर्व नागरीकानी संसर्गजन्य आजाराला मुळापासून उखडून टाकण्यासाठी सावधता बाळगावी.कारन इंदिरा नगर रिसोड येथे.कोरोना बाधीत बारा व्यक्ती.सदाशिव नगर रिसोड येथे एक .तालुक्यातील आंचळ येथील एक .असे रिसोड शहरासह चौदा व्यक्ती कोरोना संसर्गजन्य बाधीत आढळल्याने तालुक्यातील खेडेगावातील प्रत्येक नागरिकाने सावधता बाळगने गरजेचे आहे.यासाठी तोंडावर रूमाल किंवा मारक बांधने.सानीटायझरचा उपयोग करून सांबनाने हात स्वच्छ वेळोवेळी धुणे.बाहेर फिरने टाळावे.कामानिमीत्यच घर सोडून बाहेर जाने.गद्रिच्या ठिकाणी जाऊ नये.कुठल्याहीअत्यअवश्यक कामाशिवाय बाहेर पडु नये.धार्मीक कार्यक्रंमात जाने टाळावे.एकमेकाशी संपर्क टाळावा.अशा प्रकारची खबरदारी घेतल्यास या आजारांवर मात करू शकतो व कोरोना संसर्गजन्य आजार नेस्तनाबूत आटोक्यात येऊ शकतो.या बाबी सर्व नागरीकांनी अंगीकारून घरातच राहुन कोरोना संसर्गजन्य आजाराला मुळापासून उखडून टाकण्यासाठी सहकार्य करावे.असे शासनाच्या वत...

स्टेट बँकेच्या स्थापना दिनानिमित्त आरसेटीच्या वतीने वृक्षारोपण वाशीम - भारतीय स्टेट बँकेच्या स्थापना दिनानिमित्त भारतीय स्टेट बँक ग्रामीण स्वयं रोजगार प्रशिक्षण संस्था (आरसेटी) च्या वतीने १ जुलै रोजी वृक्षारोपण कार्यक्रम घेण्यात आला. यावेळी आरसेटी परिसरामध्ये पार पडलेल्या कार्यक्रमाला जिल्हा अग्रणी बँकेचे व्यवस्थापक दत्तात्रय निनावकर, सहाय्यक महाप्रबंधक नाबार्ड वाशिम विजय खंडारे, स्टेट बँक ट्रेजरी शाखेचे व्यवस्थापक मुंजाजी लोलगे, स्टेट बँक ईन टच चे अनिल राहुडकर, आरसेटी संचालक रघुनाथ निपाने, आरसेटी कर्मचारी वर्ग संजय खिल्लारी, आशिष राऊत, योगेश चव्हाण, महेंद्र सम्रत आदींची उपस्थिती लाभली. यावेळी मान्यवरांच्या परिसरात वृक्षारोपण करण्यात आले. आरसेटी वाशिम द्वारा जिल्ह्यातील ग्रामीण भागातील बेरोजगार युवक युवतींकरिता विविध विषयांवर स्वयं रोजगार प्रशिक्षण मोफत आयोजित करण्यात येतात. ज्यामध्ये निवास आणि भोजन व्यवस्था पूर्णपणे विनामूल्य केली जाते. जिल्हातील जास्तीत जास्त युवक, युवतींनी आरसेटी मध्ये आयोजित होणार्‍या प्रशिक्षणामध्ये आपला सक्रिय सहभाग नोंदवावा असे आवाहन यावेळी मान्यवरांनी केले.

१५ जुलैपासून मंगरूळपीर, रिसोडमध्ये संपूर्ण लॉकडाऊन; तर इतर चार शहरांमध्ये ८ ते २ वाजेपर्यंतच दुकाने सुरु राहणार वाशिम, दि. १३ (जिमाका) : कोरोना विषाणू संसर्गाच्या वाढत्या संसर्गाला प्रतिबंध करण्यासाठी मंगरूळपीर रिसोड या शहरांमध्ये तसेच लगतच्या काही गावांमध्ये १५ जुलैपासून सात दिवस कडक लॉकडाऊन करण्याचा निर्णय घेण्यात आला आहे. या कालावधीत सर्व दुकाने, आस्थापना, खासगी कार्यालये, पेट्रोलपंप, बँक बंद राहणार आहेत. सकाळी ७ ते १० वा. पर्यंत केवळ दुध व भाजीपाला विक्री सुरु ठेवण्यास मुभा देण्यात आली आहे. वाशिम, मालेगाव, कारंजा लाड आणि मानोरा या शहरांमध्ये सुद्धा लॉकडाऊनची सुधारित नियमावली लागू येणार आहे. या चारही शहरांमधील यापूर्वी परवानगी दिलेली सर्व दुकाने, आस्थापना सुरु ठेवण्याचा कालावधी १५ जुलैपासून सकाळी ८ ते दुपारी २ वाजेपर्यंत करण्यात येत असल्याची माहिती जिल्हाधिकारी हृषीकेश मोडक यांनी दिली. लॉकडाऊनमध्ये शिथिलता दिल्यानंतर सर्व आस्थापना, दुकाने व सार्वजनिक ठिकाणी लोकांनी सोशल डिस्टसिंगच्या नियमांचे पालन करणे, मास्क, सॅनिटायझरचा वापर करणे बंधनकारक करण्यात आले. मात्र, या नियमांचे पालन होत न...