दैनिक संवाद युगनायकांचा

 शाळा सुरू करण्यापूर्वी शाळा व परिसर सॅनिटाइज करून घेण्याचे विधानपरिषद उपसभापती डॉ. नीलम गोऱ्हे यांचे निर्देश पुणे, दि. २८ :  शाळा सुरू करण्यापूर्वी शाळा व परिसर सॅनिटाइज करून घ्याव्यात.  पालक व शिक्षण संस्थांनी शाळा सुरू करण्यासाठी सकारात्मक रहावे व ऑनलाईन शिक्षणाचा फायदा घ्यावा. ज्यांना पुढील शिक्षण घेण्याची इच्छा आहे त्यांनी फॉर्म नंबर १७ भरून परीक्षा द्यावी, असे आवाहन विधानपरिषदेच्या उपसभापती डॉ.नीलम गोऱ्हे यांनी केले. राज्याच्या बोर्ड परीक्षेला जसे फॉर्म नंबर १७ चालतो तसा तो सीबीएसई, आईसीएससी शाळांबाबत चालेल का याबाबत शिक्षण विभागाने केंद्र शासनाकडे पाठपुरावा करावा, अशी सूचना देखील डॉ.गोऱ्हे यांनी शिक्षण विभागास केली. ग्रामीण व शहरी भागातील शाळा सुरू करण्यासंदर्भात डॉ.नीलम गोऱ्हे यांच्या अध्यक्षतेखाली शिक्षण विभागाचे वरिष्ठ अधिकारी, पालक आणि संस्थाचालक यांच्यासमवेत दूरदृश्य प्रणालीद्वारे बैठक आयोजित करण्यात आली होती. डॉ.गोऱ्हे म्हणाल्या, जिल्हा परिषदेच्या सेस फंडातून शाळा सुरू करण्यासाठी आवश्यक सोडियम हायपो क्लोराईड खरेदी करावे व त्याचे मिश्र...

  वाशिम जिल्ह्यातील आजचा कोरोना_अलर्ट (दि. २८ डिसेंबर २०२०, सायं. ५.०० वा.)   वाशिम जिल्ह्यात आणखी ०३ कोरोना बाधित   काल रात्री उशिरा व आज सायंकाळी ५ वाजेपर्यंत प्राप्त अहवालानुसार वाशिम शहरातील लाखाळा येथील १, काटा येथील १ व्यक्ती कोरोना बाधित असल्याचे निदान झाले आहे. जिल्ह्याबाहेर १ कोरोना बाधिताची नोंद झाली असून ०७ जणांना डिस्चार्ज देण्यात आला आहे.   कोरोना बाधितांची सद्यस्थिती   एकूण पॉझिटिव्ह  –  ६६२५ ऍक्टिव्ह  –  २६२ डिस्चार्ज  –  ६२१४ मृत्यू  –  १४८   (टीप : वरील आकडेवारी जिल्ह्यात तसेच जिल्ह्याबाहेर उपचार घेणाऱ्या बाधितांची आहे. इतर कारणाने झालेल्या एका मृत्यूचा यामध्ये समावेश नाही.)

वाशिम जिल्ह्यातील आजचा कोरोना अलर्ट (दि. २७ डिसेंबर २०२०, सायं. ६.०० वा.) वाशिम जिल्ह्यात आणखी १४ कोरोना बाधित काल रात्री उशिरा व आज सायंकाळी ६ वाजेपर्यंत प्राप्त अहवालानुसार वाशिम शहरातील तिरुपती सिटी परिसरातील १, व्यंकटेश कॉलनी परिसरातील १, रिसोड शहरातील गजानन नगर येथील १, जिजाऊ नगर येथील २, अनंत कॉलनी परिसरातील १, गुजरी चौक येथील १, मांगुळझनक येथील १, मोहजाबंदी येथील १, मंगरुळपीर तालुक्यातील येडशी येथील १, पेडगाव येथील १, पिंपळगाव येथील १, कारंजा लाड शहरातील २ व्यक्ती कोरोना बाधित असल्याचे निदान झाले आहे. तसेच १८ जणांना डिस्चार्ज देण्यात आला  कोरोना बाधितांची सद्यस्थिती एकूण पॉझिटिव्ह – ६६२२ ऍक्टिव्ह – २६६ डिस्चार्ज – ६२०७ मृत्यू – १४८ (टीप : वरील आकडेवारी जिल्ह्यात तसेच जिल्ह्याबाहेर उपचार घेणाऱ्या बाधितांची आहे. इतर कारणाने झालेल्या एका मृत्यूचा यामध्ये समावेश नाही.)

कोविड योद्ध्यांच्या कुटुंबियांना राज्य शासनाकडून सानुग्रह सहाय्य पालकमंत्री, क्रीडामंत्र्यांकडून कुटुंबाचे सांत्वन नागपूर, दि.27 : कोरोना साथीच्या काळामध्ये आपल्या जीवाची पर्वा न करता कर्तव्य बजावणाऱ्या दोन दिवंगत योद्ध्यांच्या कुटुंबियांना राज्य शासनाकडून आज प्रत्येकी 50 लाखांचा सानुग्रह सहायता निधी (विमा कवच) देण्यात आला. राज्याचे ऊर्जामंत्री तथा जिल्ह्याचे पालकमंत्री डॉ. नितीन राऊत, पदुम व क्रीडामंत्री सुनील केदार, नागपूर जिल्हा परिषदेच्या अध्यक्षा रश्मी बर्वे, जिल्हाधिकारी रवींद्र ठाकरे यांच्या प्रमुख उपस्थितीत हा सानुग्रह धनादेश कुटुंबियांना देण्यात आला. कोरोना साथीच्या पहिल्या टप्प्यात लॉकडाऊनसह विविध निर्बंध असताना शासकीय कर्मचारी आपले कर्तव्य बजावत होते. वैद्यकीय यंत्रणा, पोलीस विभागाचे कर्मचारी यांच्यासोबतच जिल्हा प्रशासन, जिल्हा परिषदेचे कर्मचारी गावागावांमध्ये झटत होते. यापैकीच नागपूर जिल्हा परिषदेअंतर्गत पंचायत समिती नागपूर येथील विस्तार अधिकारी दिलीप कुहीटे, तसेच हिंगणा पंचायत समिती अंतर्गत येणाऱ्या ग्रामपंचायत डिगडोह ग्रामपंचायतीचे कर्मचारी मज्जिद शेख यांचे कोरोनामुळे निध...

मत्स्यव्यवसायाची उत्पादकता वाढविणे गरजेचे – पशुसंवर्धनमंत्री सुनिल केदार नागपूर ,  दि .  26 :  मत्स्यव्यवसायाचे अर्थव्यवस्थेत महत्त्वाचे योगदान आहे. मत्स्यव्यवसायाच्या उद्योगाला अर्थव्यवस्थेच्या दृष्टिकोनातून बघत गरीब लोकांच्या रोजगाराच्या या विषयाला न्याय देणे आवश्यक आहे. यासाठी भविष्यात मत्स्यव्यवसायाची उत्पादकता वाढविणे गरजेचे असल्याचे प्रतिपादन पशुसंवर्धन, दुग्धविकास, क्रिडा व युवक कल्याण मंत्री सुनिल केदार यांनी आज केले. नागपूर जिल्हा परिषद (लघु पाटबंधारे) विभागामार्फत कै.आबासाहेब खेडकर सभागृहामध्ये कार्यक्रम आयोजित करण्यात आला होता. यावेळी जिल्हा परिषद अध्यक्ष श्रीमती रश्मी बर्वे, उपाध्यक्ष मनोहरराव कुंभारे, मुख्य कार्यकारी अधिकारी योगेश कुंभेजकर, अतिरिक्त मुख्य कार्यकारी अधिकारी डॉ. कमलकिशोर फुटाणे, जिल्हा जलसंधारण अधिकारी रमेशजी गुप्ता, शिक्षण सभापती भारती पाटील, जिल्हा परिषद सदस्य दुधराम सव्वालाखे, राजकुमार कुसुंबे तसेच जिल्हा परिषदेचे अधिकारी प्रामुख्याने उपस्थित होते. नागपूर जिल्हा परिषदेअंतर्गत लघु पाटबंधारे विभागात 124 लघुसिंचन तलाव, 57 पाझर तलाव, 39 गाव तलाव...

साहित्य वर्तुळातील नामवंतांचा पुरस्कार नागपूरसाठी भूषणावह – पालकमंत्री डॉ.नितीन राऊत नागपूर ,  दि .  २६ :  साहित्य, कला,सांस्कृतिक, सामाजिक व राजकीय चळवळीचे केंद्र असणाऱ्या नागपूर शहरातील तीन नामवंतांना साहित्य व सामाजिक क्षेत्रातील मिळालेले पुरस्कार विदर्भासाठी भूषणावह आहे, असे प्रतिपादन पालकमंत्री डॉ.नितीन राऊत यांनी आज येथे केले.   अमेरिकेत स्थायिक झालेल्या मराठी बांधवांनी स्थापन केलेल्या महाराष्ट्र फाऊंडेशनचे तीन मानाचे पुरस्कार यावर्षी प्रसिद्ध नाटककार, साहित्यिक महेश एलकुंचवार, ज्येष्ठ पत्रकार, लेखक श्याम पेठकर, सामाजिक कार्यकर्ता, प्रकाशक अरुणा सबाने या नागपुरातील तीन नामवंतांना मिळाले आहेत. या तीनही ज्येष्ठांपर्यंत पोहोचून आज पालकमंत्री डॉ. नितीन राऊत यांनी त्यांचा सन्मानपूर्वक सत्कार केला. या सत्काराच्या वेळी भावना व्यक्त करताना ते म्हणाले, समाजकार्य, सांस्कृतिक महोत्सव, साहित्यनिर्मिती, कला, क्रीडा क्षेत्रात नागपूरचे नाव पर्यायाने विदर्भाचे नाव कायम अग्रेसर असणे एक नागपूरकर या नात्याने अभिमानास्पद आहे. महाराष्ट्र फाऊंडेशनने कोणताही अर्ज न घेता हे पुरस्कार प...

  पालकमंत्री शंभूराज देसाई यांचा वाशिम जिल्हा दौरा वाशिम, दि. २७ ( युगनायक न्युज नेटवर्क ) : पालकमंत्री शंभूराज देसाई हे २८ व २९ डिसेंबर रोजी वाशिम जिल्हा दौऱ्यावर येत आहेत. त्यांचा दौरा कार्यक्रम पुढीलप्रमाणे आहे. पालकमंत्री श्री. देसाई हे सोमवार, २८ डिसेंबर रोजी नागपूर येथून मोटारीने दुपारी ३ वाजता  तळेगाव, कामरगाव, कारंजामार्गे वाशिमकडे प्रयाण करतील. रात्री ८.३० वाजता वाशिम  शासकीय विश्रामगृह येथे आगमन व मुक्काम. मंगळवार, २९ डिसेंबर रोजी सकाळी १०.३० ते सकाळी ११.३० वाजता दरम्यान पालकमंत्री श्री. देसाई हे जिल्ह्याच्या कायदा व सुव्यवस्थेबाबत आढावा बैठक घेतील. सकाळी ११.३० ते दुपारी १.३० वाजतापर्यंत राखीव. दुपारी १.३० वाजता वाशिम येथून मोटारीने नागपूरकडे प्रयाण करतील.

राज्याची क्रीडाविषयक कामगिरी आणखी उंचावण्यासाठी पुण्यात आंतरराष्ट्रीय क्रीडा विद्यापीठ – क्रीडामंत्री सुनील केदार पुणे, दि. 25:- राज्याची क्रीडाविषयक कामगिरी आणखी उंचावण्यासाठी भारतातील पहिले आंतरराष्ट्रीय क्रीडा विद्यापीठ पुण्यातील शिवछत्रपती क्रीडा संकुलात स्थापन करण्यात येणार असल्याची माहिती क्रीडामंत्री सुनील केदार यांनी दिली. क्रीडामंत्री सुनील केदार म्हणाले, राज्याची क्रीडा विषयक कामगिरी आणखी उंचावणे, क्रीडा क्षेत्रात आंतरराष्ट्रीय स्तरावर उपलब्ध असलेली विविध क्षेत्रे विचारात घेऊन क्रीडा क्षेत्रात नोकरीच्या, प्रशिक्षणाच्या अधिकाधिक संधी उपलब्ध व्हाव्यात व तरुण वर्गास क्रीडा क्षेत्रात येण्यास प्रोत्साहन मिळावे, या अनुषंगाने राज्यात जास्तीत जास्त दर्जेदार कोच/प्रशिक्षक तसेच, खेळाडू निर्माण व्हावेत, हा आंतरराष्ट्रीय क्रीडा विद्यापीठ स्थापनेचा उद्देश आहे. क्रीडा हा शिक्षणाचा अविभाज्य भाग असून क्रीडा व शैक्षणिक गुणवत्ता महत्त्वाची असल्याने क्रीडा क्षेत्राला गतिमानतेने पुढे नेण्यासाठी क्रीडा वैद्यकशास्त्र व पूरक बाबींमध्ये आवश्यक तांत्रिक मनुष्यबळ निर्माण करणे अत्यंत महत्त्वाचे आहे. क्...

रस्ते, पाटबंधारे, पशुधन नुकसानीचे फेर आराखडे सादर करण्याची केंद्रीय पथकाची सूचना नागपूर ,  दि. २६ :  विभागात ऑगस्टमध्ये आलेला पूर गेल्या शंभर वर्षात उद्भवलेली आकस्मिक परिस्थिती होती. हानी अपरिमित आहे. मात्र केंद्राकडे पायाभूत सुविधा, कृषी, पशुधनाच्या नुकसानाची आकडेवारी सादर करताना राष्ट्रीय आपत्ती व्यवस्थापन मदत निधीच्या निकषाप्रमाणे मागणी करणे आवश्यक आहे. त्यामुळे केंद्राकडे अंतीम आराखडे पाठविताना रस्ते, पाटबंधारे व पशुधनाच्या नुकसानीची मुद्देसूद, संदर्भ व आराखड्यांसह आकडेवारी सादर करा, अशी सूचना केंद्रीय पथकाने आज केली. शनिवारी विभागीय आयुक्त कार्यालयामध्ये यासंदर्भात विभागीय बैठक झाली. 30, 31 ऑगस्ट 1 सप्टेंबर रोजी आलेल्या महापूराने पूर्व विदर्भातील नागपूर, चंद्रपूर, भंडारा, गोंदिया, गडचिरोली या पाचही जिल्ह्यात प्रचंड नुकसान केले होते. यापूर्वी सप्टेंबर महिन्यात हे पथक तीन दिवस पाहणी करून गेले होते. त्यानंतर राज्य शासनाकडून झालेली प्राथमिक मदत, पंचनामे,आर्थिक मदत लोकांपर्यंत पोहोचल्याची खातरजमा करणे व राज्य शासनाला पायाभूत सुविधांसाठी आवश्यक असणारी अतिरिक्त मदत मंजूर करणे या...

  नवीन कोरोना विषाणूच्या पार्श्वभूमीवर अधिक दक्षता घेण्याची गरज – उपमुख्यमंत्री अजित पवार पुणे, दि. 26 : ब्रिटन आणि इतर काही देशांमध्ये कोरोना विषाणूचा नवीन प्रकार आढळून आला आहे. नवीन कोरोना विषाणूच्या पार्श्वभूमीवर अधिक दक्षता घेण्याची गरज असल्याचे मत उपमुख्यमंत्री तथा जिल्ह्याचे पालकमंत्री अजित पवार यांनी आज व्यक्त केले. नागरिकांनी सुरक्षित अंतर, मास्क व इतर आवश्यक ती काळजी घ्यावी, असे आवाहन त्यांनी केले. प्रशासकीय पातळीवरून नवीन विषाणूच्या पार्श्वभूमीवर आवश्यक नियोजन करण्याचे निर्देशही त्यांनी अधिकाऱ्यांना दिले. 'कोविड-19 व्यवस्थापना’बाबत आज उपमुख्यमंत्री अजित पवार यांच्या अध्यक्षतेखाली पुण्यातील विधानभवन सभागृहात संबंधित वरिष्ठ अधिकाऱ्यांसोबत बैठक घेण्यात आली, पुण्याचे महापौर मुरलीधर मोहोळ, आमदार चेतन तुपे, आमदार अण्णासाहेब बनसोडे यांच्यासह विविध पदाधिकारी तसेच ससून रुग्णालयाचे विशेष कार्य अधिकारी एस.चोक्कलिंगम, पिंपरी-चिंचवड महानगरपालिका आयुक्त श्रावण हर्डीकर, जिल्हाधिकारी डॉ.राजेश देशमुख, पोलीस आयुक्त अमिताभ गुप्ता, जिल्हा पोलीस अधीक्षक अभिनव देशमुख, पोलीस आयुक्त कृष्णप्रकाश,...

पशुधनाची रोगप्रतिकारक शक्ती वाढविण्यासाठी रोगनिदानशास्त्रावर संशोधन गरजेचे – पशुसंवर्धनमंत्री सुनिल केदार नागपूर दि ,26 :  देशाच्या अर्थव्यवस्थेत पशुधनाचे महत्त्वाचे योगदान आहे. पशुधनावर वेगवेगळ्या संसर्गजन्य रोगांचा प्रादुर्भाव वाढत आहे. नुकतेच राज्यात लम्पी या त्वचारोगाने डोके वर काढले होते. ते पाहता  भविष्यात पशुधनाची उत्पादकता वाढविण्यासाठी रोगनिदानशास्त्रावर (पॅथॉलॉजी) अद्यावत संशोधन गरजेचे असल्याचे प्रतिपादन पशुसंवर्धन, दुग्धविकास, क्रिडा व युवक कल्याण मंत्री सुनिल केदार यांनी आज केले. महाराष्ट्र पशुवैद्यक आणि मत्स्यसंवर्धन विद्यापीठ (माफसु) येथे ऑनलाईन आंतरराष्ट्रीय पशुवैद्यक रोगनिदानशास्त्रावर आधारीत दोन दिवसीय कार्यशाळेच्या उद्घाटनप्रसंगी ते बोलत होते. यावेळी माफसुचे कुलगुरू डॉ. ए. एम पातुरकर, संशोधन संचालक डॉ. एन. व्ही. कुरकुरे, निबंधक डॉ. सोमकुंवर, डॉ. एस. बी. कविटकर प्रामुख्याने उपस्थित होते. पशुधन व कुक्कुटपालनातील वाढत्या रोगावरील नियंत्रणात पशुवैद्यक रोगनिदानशास्त्राची भूमिका या विषयावरील  (role of veterinary pathology in controlling emerging and re-emergin...

का रंजा तालुक्यातील १८९५ जणांची नावे मतदार यादीतून वगळणार  ३१ डिसेंबर पर्यंत आक्षेप नोंदविण्याचे आवाहन वाशिम, दि. २६ ( युगनायक न्युज नेटवर्क ) : मतदान केंद्रस्तरीय अधिकाऱ्यांनी (बीएलओ) स्थळ पंचनामा करून १८९५ जणांची नावे मतदार यादीमधून वगळण्यासाठी नमुना ७ चे अर्ज कारंजा तहसीलदार कार्यालयास सादर केले आहेत. या १८९५ मतदारांची यादी कारंजा तहसीलदार कार्यालय, कारंजा नगरपरिषद, पंचायत समिती तसेच प्रत्येक मतदान केंद्रावर आणि  www.washim.gov.in  या संकेतस्थळावर प्रसिद्ध करण्यात आली आहे. याबाबत कोणाला आक्षेप असल्यास त्यांनी ३१ डिसेंबर २०२० पर्यंत उपविभागीय अधिकारी, कारंजा किंवा तहसीलदार, कारंजा यांच्या कार्यालयात सादर करण्याचे आवाहन करण्यात आले आहे. मतदार यादीमध्ये फोटो नसणाऱ्या मतदारांचे फोटो संकलित करण्यासाठी बीएलओ यांनी त्यांच्या मतदार यादीतील मतदारांच्या पत्त्यावर भेटी दिल्या, मात्र सदर मतदार त्या पत्त्यावर राहत नसल्याचे आढळून आले. तसेच त्यांचा संपर्क होऊ शकला नाही, त्यामुळे त्यांचे फोटो संकलित करणे शक्य झाले नाही. परिसरातील नागरिकांच्या स्वाक्षरीने बीएलओ यांनी याबाबतचा स्थळ पंचन...

वाशिम जिल्ह्यातील आजचा कोरोना अलर्ट (दि. २६ डिसेंबर २०२०, सायं. ६.०० वा.) वाशिम जिल्ह्यात आणखी १४ कोरोना बाधित काल रात्री उशिरा व आज सायंकाळी ६ वाजेपर्यंत प्राप्त अहवालानुसार वाशिम शहरातील देवपेठ येथील १, शिवाजीनगर येथील २, आययुडीपी कॉलनी येथील १, रिसोड शहरातील एकता नगर येथील २, कासारगल्ली येथील २, शिवाजीनगर येथील १, महात्मा फुले नगर येथील १, गैबीपुरा येथील १, वाडी येथील १, भोकरखेडा येथील १, एकलासपूर येथील १ व्यक्ती कोरोना बाधित असल्याचे निदान झाले आहे. तसेच १५ जणांना डिस्चार्ज देण्यात आला  कोरोना बाधितांची सद्यस्थिती एकूण पॉझिटिव्ह – ६६०८ ऍक्टिव्ह – २७० डिस्चार्ज – ६१८९ मृत्यू – १४८ (टीप : वरील आकडेवारी जिल्ह्यात तसेच जिल्ह्याबाहेर उपचार घेणाऱ्या बाधितांची आहे. इतर कारणाने झालेल्या एका मृत्यूचा यामध्ये समावेश नाही.)

  हक्कांसंदर्भात जागृती करुन ग्राहकांना अधिक सक्षम करणार – अन्न, नागरी पुरवठा मंत्री छगन भुजबळ मुंबई, दि. 24 : नवीन ग्राहक संरक्षण कायदा 2019 यामधील तरतुदीनुसार राज्यातील ग्राहकांना अधिकाधिक संरक्षण कसे मिळवून देता येईल यासाठी  शासन कटिबद्ध असून हक्कांसंदर्भात जागृती करुन राज्यातील ग्राहक अधिक सक्षम करण्यासाठी प्रयत्नशील असल्याचे प्रतिपादन अन्न, नागरी पुरवठा व ग्राहक संरक्षण मंत्री छगन भुजबळ यांनी  केले. राष्ट्रीय ग्राहक दिनानिमित्त अन्न, नागरी पुरवठा व ग्राहक संरक्षण विभाग आणि राज्य ग्राहक तक्रार निवारण आयोगामार्फत ग्राहक संरक्षण कायदा 2019 चे नवीन स्वरुप या विषयावर आयोजित वेबीनारमध्ये श्री.भुजबळ बोलत होते. राष्ट्रीय ग्राहक दिनानिमित्त मुख्यमंत्री श्री.उद्धव ठाकरे व उपमुख्यमंत्री श्री.अजित पवार यांनीही शुभेच्छा संदेश दिले. ग्राहक संरक्षण मंत्री श्री.भुजबळ म्हणाले, राज्यातील सर्व नागरिकांना, ग्राहकांना नव्या ग्राहक संरक्षण कायद्यांतर्गत अधिकाधिक सक्षम बनविण्यासाठी, तयार असलेल्या कार्यप्रणालीची सक्षम पद्धतीने अंमलबजावणी करावी लागेल. सर्व ग्राहकांनी स्वतःच्या अधिकारांविषयी ...

  पालकमंत्री शंभूराज देसाई यांचा  दौरा कार्यक्रम वाशिम ,   दि.  24  (जिमाका) :   पालकमंत्री शंभूराज देसाई हे जिल्हयाच्या दौऱ्यावर येत आहे. त्यांचा दौरा कार्यक्रम पुढीलप्रमाणे. 28 डिसेंबर रोजी नागपूर येथून मोटारीने दुपारी 3.30 वाजता वाशिमकडे तळेगाव, कामरगांव, कारंजामार्गे वाशिमकडे प्रयाण. रात्री 8.30 वाजता शासकीय विश्रामगृह, वाशिम येथे आगमन व मुक्काम. 29 डिसेंबर रोजी सकाळी 10.30 ते सकाळी 11.30 दरम्यान आयोजित बैठकीतून जिल्हयाच्या कायदा व सुव्यवस्थेबाबत आढावा घेतील. सकाळी 11.30 ते दुपारी 3 वाजतापर्यंत राखीव. दुपारी 3 वाजता वाशिम येथून मोटारीने नागपूरकडे प्रयाण करतील.  

  प्रतिबंधात्मक आदेश 4 जानेवारीपर्यंत लागू वाशिम ,   दि.  24  (जिमाका) :   जिल्हयात 25 डिसेंबर रोजी नाताळ हा सण ख्रिश्चन बांधवांतर्फे साजरा करण्यात येणार आहे. 31 डिसेंबर 2020 आणि 1 जानेवारी 2021 रोजी नवीन वर्षाचे स्वागत करण्यासाठी विविध  प्रकारचे मनोरंजनात्मक कार्यक्रम आयोजित करण्यात येणार आहे. 3 जानेवारी 2021 रोजी सावित्रीबाई फुले यांच्या जयंतीनिमित्त  विविध सांस्कृतीक कार्यक्रम आयोजि‍त करण्यात येणार आहे. तसेच ग्रामपंचायत सार्वत्रिक निवडणूकीची आदर्श आचारसंहिता लागू झाली आहे. सद्यस्थितीत मराठा आरक्षणास सर्वोच्च न्यायालयाने दिलेल्या स्थगितीस विरोध म्हणून जिल्हयात विविध प्रकारची आंदोलने करण्यात येत आहे. आगामी काळात मराठा क्रांती मोर्चा व मराठा आरक्षण समर्थक विविध संघटना व पक्षांकडून विविध प्रकारच्या आंदोलनात्मक कार्यक्रमाच्या आयोजनाची शक्यता नाकारता येत नाही. तसेच केंद्र सरकारने मंजूर केलेले कृषी विधेयक, शेतकरी कर्जमाफी, पीक कर्ज मंजूरी, दूध दरवाढ, वाढती महागाई, शेतकऱ्यांना नुकसान भरपाई आणि इतर विविध मागण्या संदर्भात विरोधी पक्षाच्यावतीने तसेच शेतकरी संघ...

वाशिम जिल्ह्यातील आजचा कोरोना अलर्ट (दि. २४ डिसेंबर २०२०, सायं. ६.०० वा.) वाशिम जिल्ह्यात आणखी २३ कोरोना बाधित काल रात्री उशिरा व आज सायंकाळी ६ वाजेपर्यंत प्राप्त अहवालानुसार वाशिम शहरातील रेनॉल्ड हॉस्पिटल परिसरातील २, सिव्हील लाईन परिसरातील १, शिवाजीनगर येथील १, मालेगाव तालुक्यातील डव्हा येथील १, मंगरुळपीर शहरातील आठवडी बाजार परिसरातील १, शहरातील इतर ठिकाणची १, वनोजा येथील १, खडी येथील ३, कवठळ येथील १, शहापूर येथील १, लाठी येथील १, रिसोड शहरातील शाहूनगर येथील २, गवळीपुरा येथील १, सिटी केअर हॉस्पिटल परिसरातील १, लहुजी नगर येथील १, गोहोगाव येथील १, मानोरा तालुक्यातील गव्हा येथील  २, कारंजा लाड शहरातील १ व्यक्ती कोरोना बाधित असल्याचे निदान झाले आहे. तसेच ४ जणांना डिस्चार्ज देण्यात आला  कोरोना बाधितांची सद्यस्थिती एकूण पॉझिटिव्ह – ६५८६ ऍक्टिव्ह – २६८ डिस्चार्ज – ६१६९ मृत्यू – १४८ (टीप : वरील आकडेवारी जिल्ह्यात तसेच जिल्ह्याबाहेर उपचार घेणाऱ्या बाधितांची आहे. इतर कारणाने झालेल्या एका मृत्यूचा यामध्ये समावेश नाही.)

ग्रामपंचायत सार्वत्रिक निवडणूक  जातवैधता अर्ज सुट्टीच्या दिवशी स्विकारणार वाशिम ,   दि.  24  (जिमाका) :   राज्य निवडणूक आयोगाने राज्यातील ग्रामपंचायतीचा निवडणूक कार्यक्रम जाहिर केला आहे. जिल्हयातील ग्रामपंचायतीच्या सार्वत्रिक निवडणूकीसाठी उमेदवारांना जात वैधता प्रमाणपत्र सादर करणे अथवा प्रस्ताव सादर केल्याची पोचपावती जोडणे शासनाने बंधनकारक केले आहे. त्यामुळे जिल्हा जात प्रमाणपत्र पडताळणी समिती, वाशिम या समितीच्या कार्यालयास मोठया प्रमाणात निवडणूकीत उभे राहू इच्छिणाऱ्या उमेदवारांकडून अर्ज दाखल होत आहे. उमेदवारांची गैरसोय होवू नये म्हणून 25,26 आणि 27 डिसेंबर 2020 या सुट्टीच्या दिवशी सुध्दा समिती कार्यालय नियमित सुरु राहणार असल्याची माहिती संशोधन अधिकारी, जिल्हा जात प्रमाणपत्र पडताळणी समिती, वाशिम यांनी दिली.

एम.ए. रंगुनवाला कॉलेज ऑफ फिजिओथेरपी अँड रिसर्च संस्थेची प्रवेशक्षमता आता दुप्पट मुंबई, दि. 23 : महाराष्ट्र मेडिकल एज्युकेशन आणि रिसर्च सेंटरचे एम.ए.रंगुनवाला कॉलेज ऑफ फिजिओथेरपी अँड रिसर्च, पुणे संस्थेची प्रवेशक्षमता आता दुप्पट झाली आहे. सन 2020-21 या शैक्षणिक वर्षापासून बी.पी.टीएच या भौतिकोपचार पदवी अभ्यासक्रमाची प्रवेशक्षमता 30 वरुन 60 इतकी करण्यात आली आहे. या महाविद्यालयातील भौतिकोपचार पदवी अभ्यासक्रमाची विद्यार्थी प्रवेशक्षमता 60 इतकी असणार आहे. सर्वोच्च न्यायालय, केंद्र शासन, उच्च न्यायालय आणि राज्य शासन यांनी वेळोवेळी दिलेल्या आदेशानुसार अभ्यासक्रमाच्या प्रवेशाकरिता निश्चित करण्यात आलेल्या कार्यपद्धती अवलंबिण्यात येणे आवश्यक आहे. राज्य शासनाने तसेच विद्यापीठाने भौतिकोपचार अभ्यासक्रमाच्या महाविद्यालयात वेळोवेळी विहित केलेल्या नियमांचे व मानकांचे पालन करणे संस्थेवर बंधनकारक असणार आहे. महाराष्ट्र एज्युकेशनल इन्स्टिट्युशन्स ॲक्ट, 1987 मधील तरतुदींचे संस्थेने काटेकोर पालन करणे आवश्यक आहे. भौतिकोपचार महाविद्यालयातील प्रवेशक्षमता वाढीस महाराष्ट्र आरोग्य विज्ञान विद्यापीठाची संलग्नता प्र...

राज्यात २५ नोव्हेंबर ते २३ डिसेंबर या काळात इंग्लंडहून आलेल्या प्रवाशांचे विशेष सर्वेक्षण – आरोग्यमंत्री राजेश टोपे मुंबई, दि.२३: केंद्र शासनाच्या मार्गदर्शक सूचनेनुसार राज्यात २५ नोव्हेंबर ते २३ डिसेंबर या काळात इंग्लंडहून आलेल्या प्रवाशांचे विशेष सर्वेक्षण करण्यात येणार आहे. राज्यात आतापर्यंत बरे झालेल्या कोरोना रुग्णांची संख्या १८ लाखांहून अधिक झाली आहे. राज्यातील ऍक्टिव्ह रुग्णांची संख्या 50 हजाराच्या घरात आली असल्याचे आरोग्यमंत्री राजेश टोपे यांनी सांगितले. इंग्लंडमधील करोना विषाणूमध्ये झालेल्या बदलाच्या पार्श्वभूमीवर सर्वेक्षणासाठी विशेष सूचना कोरोना विषाणूमध्ये झालेल्या जनुकीय बदलाच्या पार्श्वभूमीवर केंद्र सरकारच्या मार्गदर्शक सूचनांनुसार राज्यात २५ नोव्हेंबर ते २३ डिसेंबर या काळात इंग्लंडहून आलेल्या प्रवाशांचे विशेष सर्वेक्षण करण्यात येणार आहे. विमानतळ आरोग्य अधिकाऱ्यांकडून २५ नोव्हेंबर ते २३ डिसेंबर या काळात इंग्लंडहून मुंबईत उतरलेल्या  प्रवाशांची यादी राज्याला प्राप्त झाली असून ही यादी प्रत्येक जिल्ह्याला आणि महानगरपालिकेला पाठविण्यात आली आहे. संबंधित जिल्हा आणि महानगरपाल...

 ‘सावित्रीजोती’ मालिका सुरु राहण्यासाठी अर्थसहाय्याची मागणी मुंबई, दि. 23 :- महात्मा जोतिराव फुले व क्रांतिज्योती सावित्रीबाई फुले यांच्या जीवनावर आधारीत सोनी मराठी वाहिनीवर सुरु असलेली ‘सावित्रीजोती’ मालिका बंद करण्यात येत असून महापुरुषांचा इतिहास आजच्या पिढीपर्यंत पोहोचविण्यासाठी राज्य शासनाच्या वतीने या मालिकेसाठी अर्थसहाय्य देण्यात यावे अशी मागणी अन्न, नागरी पुरवठा व ग्राहक संरक्षण मंत्री छगन भुजबळ यांनी सांस्कृतिक कार्यमंत्री अमित देशमुख यांच्याकडे केली आहे. यासंदर्भात श्री.भुजबळ म्हणाले, महात्मा जोतिराव फुले व क्रांतिज्योती सावित्रीबाई फुले यांच्या जीवनावर आधारित दशमी निर्मिती संस्था यांची निर्मिती असलेली  ‘सावित्रीजोती’ ही मालिका सोनी मराठी या वाहिनीवर प्रदर्शित होत आहे. महात्मा ज्योतिराव फुले व सावित्रीबाई फुले यांचे संपूर्ण जीवन व समाजकार्य सर्वसामान्य जनतेपर्यंत या मालिकेद्वारे पोहचविले जात आहे. मालिकेचे अद्याप १०० भाग प्रदर्शित होण्याचे बाकी आहेत, असेही श्री.भुजबळ यांनी सांगितले. महात्मा जोतिराव फुले व क्रांतिज्योती सावित्रीबाई फुले यांच्या जीवनातील अत्यंत महत्त्वाच...

क्रांतिज्योती सावित्रीबाई फुले यांचा जन्मदिवस आता सावित्रीबाई फुले महिला शिक्षण दिन म्हणून साजरा  करणार मुंबई, दि. 23 : क्रांतिज्योती सावित्रीबाई फुले यांचा तीन जानेवारी  हा जन्मदिवस हा राज्यातील सर्व माध्यमांच्या शाळांमध्ये सावित्रीबाई फुले महिला शिक्षण दिन म्हणून साजरा केला जाईल अशी माहिती शालेय शिक्षणमंत्री प्रा. वर्षा गायकवाड यांनी दिली आहे. आज याबाबत मंत्रिमंडळ बैठकीत निर्णय घेण्यात आला. स्त्री शिक्षणातील क्रांतिज्योती सावित्रीबाई फुले यांचे योगदान आणि त्यांचे कार्य समाजातील सर्व घटकांपर्यंत पोहोचविणे गरजेचे असल्यामुळे हा निर्णय घेण्यात आला. या दिवशी शाळांमध्ये क्रांतिज्योती सावित्रीबाई फुले यांच्या जीवनावर आधारित भाषणे, निबंध, वक्तृत्व, परिसंवाद व एकांकिकांचे आयोजन करण्यात येईल. त्याचप्रमाणे, सर्व शासकीय निमशासकीय कार्यालयांत, शाळेत क्रांतिज्योती सावित्रीबाई फुले यांच्या प्रतिमेचे पूजन करण्यात येईल. त्यांच्या नावाने स्त्री शिक्षणात कार्यरत शिक्षिका, अधिकारी, सामाजिक कार्यकर्त्या यांना पुरस्कार देण्यात येईल, ऑनलाईन तसेच ऑफलाईन चर्चासत्र आयोजित केले जातील आणि समाजमाध्यमांव...

राज्य उत्पादन शुल्क विभागाकडून ७४ कोटी १६ लाख रुपयांचा मुद्देमाल जप्त मुंबई, दि. 24 : राज्य उत्पादन शुल्क विभागाकडून एप्रिल 2020 ते 22 डिसेंबर 2020 पर्यंत नऊ महिन्याच्या कालावधीत करण्यात आलेल्या कारवाईत 32,238 गुन्हे नोंदविण्यात आलेले असून 19,462 आरोपींना अटक करण्यात आलेली आहे. 74 कोटी 16 लाख रुपयांचा मुद्देमाल जप्त करण्याबरोबरच 2,663 वाहने जप्त करण्यात आल्याची माहिती राज्य उत्पादन शुल्क आयुक्त कांतीलाल उमाप यांनी दिली. हातभट्टी दारु निर्मिती/ विक्री वाहतुकीचे आतापर्यंत नऊ महिन्यांच्या कालावधीत 18,786 गुन्हे नोंदविण्यात आलेले असून 7,028 आरोपींना अटक करण्यात आली आहे तर 34 कोटी 31 लाख रुपयांचा मुद्देमाल जप्त करण्यात आला आहे. अवैधपणे परराज्यातील मद्य विक्री बाबत आतापर्यंत एकूण 765 गुन्हे नोंदविण्यात आलेले असून 656 आरोपींना अटक करण्यात आलेली आहे तर 13 कोटी 31 लाख रुपयांचा मुद्देमाल जप्त करण्यात आला आहे. मद्यार्काच्या अवैध वाहतुकीबाबत एकूण 182 गुन्हे नोंदविण्यात आलेले असून 214 आरोपींना अटक करण्यात आलेली आहे तर चार कोटी 42 लाख रुपयांचा मुद्देमाल जप्त करण्यात आलेला आहे. तसेच बनावट मद्य विक्री...

मुंबई जिल्हा क्रीडा पुरस्कारासाठी ८ जानेवारी पर्यंत अर्ज करावेत मुंबई, दि. २४ : जिल्ह्यातील गुणवंत क्रीडापटू, गुणवंत क्रीडा मार्गदर्शक यांच्या कार्याचे आणि योगदानाचे मूल्यमापन होऊन त्यांचा गौरव व्हावा, त्यांना प्रोत्साहन मिळावे म्हणून जिल्हा क्रीडा पुरस्कार देऊन सन्मान करण्यात येतो. सन २०१९-२० च्या मुंबई शहर जिल्हा क्रीडा पुरस्कारासाठी ८ जानेवारी २०२१ पर्यंत अर्ज करावेत, असे आवाहन जिल्हा क्रीडा अधिकारी मुंबई शहर यांनी केले आहे. मुंबई शहर जिल्ह्यातील पुरस्कारासाठी प्राप्त क्रीडा व खेळ प्रकारातील गुणवंत क्रीडापटू (एक पुरूष/ एक महिला व एक दिव्यांग खेळाडू),  गुणवंत मार्गदर्शक यांनी विहित नमुन्यातील अर्ज जिल्हा क्रीडा संकुल, २ रा मजला, सायन - वांद्रे लिंक रोड, धारावी बस डेपो शेजारी, धारावी, सायन (प), मुंबई येथून विनामुल्य प्राप्त करून घ्यावेत. या पुरस्कारासाठीचे विहित नमुन्यातील अर्ज ८ जानेवारी २०२१ पर्यंत कार्यालयीन वेळेत जिल्हा क्रीडा अधिकारी कार्यालय, मुंबई शहर (दूरध्वनी क्रमांक ९८१९७०२०७०, ९७५७०१४५३७ येथे संपर्क साधावा, असे जिल्हा क्रीडा अधिकारी मुंबई शहर यांनी प्रसिद्धी पत्रकान्वये...

राजा राममोहन रॉय ग्रंथालय प्रतिष्ठानच्या असमान निधी योजनांसाठीचे प्रस्ताव ८ जानेवारीपर्यंत पाठविण्याचे आवाहन मुंबई, दि. 24 : केंद्र शासनाच्या सांस्कृतिक कार्य विभागांतर्गत राजा राममोहन रॉय ग्रंथालय प्रतिष्ठान, कोलकाता यांच्या असमान निधी योजनेंतर्गत राज्यातील शासनमान्य सार्वजनिक ग्रंथालयांच्या सर्वांगीण विकासासाठी अर्थसहाय्याच्या विविध योजना राबविण्यात येतात.  सन २०२०-२१ साठी राज्यातील शासनमान्य सार्वजनिक ग्रंथालयांकडून प्रस्ताव मागविण्यात येत आहेत. यासाठी  दि. ८ जानेवारी २०२१ पर्यंत  प्रस्ताव पाठवावेत, असे आवाहन ग्रंथालय संचालक, मुंबई यांनी केले आहे. यासंदर्भातील नियम, अटी व अर्जाचा नमूना  www.rrrlf.gov.in  या प्रतिष्ठानच्या संकेतस्थळावर उपलब्ध आहे. राजा राममोहन रॉय ग्रंथालय प्रतिष्ठानच्या योजनांबाबत इच्छुकांनी संबंधित जिल्ह्याच्या जिल्हा ग्रंथालय अधिकारी कार्यालयाशी संपर्क साधावा तसेच अधिक माहितीसाठी प्रतिष्ठानचे  www.rrrlf.gov.in  हे संकेतस्थळ पहावे. अर्जाचा नमुना सुधारित स्वरूपाचा असावा. नमूद केलेल्या आवश्यक त्या सर्व कागदपत्रांसह इंग्रजी/ हिंदी भाष...