दैनिक संवाद युगनायकांचा

राज्यभरात आजपासून संपूर्ण महिनाभर क्षय आणि कुष्ठरुग्ण संयुक्त शोध अभियान गृहभेटींद्वारे ८ कोटीहून अधिक लोकसंख्येची होणार तपासणी मुंबई, दि. ३०: कोरोनाकाळात राज्यभरात निदानापासून वंचित राहिलेल्या क्षयरुग्ण व कुष्ठरुग्णांचा शोध घेण्यासाठी घरोघरी जाऊन तपासणी करण्यात येणार आहे. त्यासाठी सर्व जिल्हा व महानगरपालिका क्षेत्रात ‘संयुक्त सक्रिय क्षयरुग्ण शोध व कुष्ठरुग्ण शोध अभियान’ दि. १ डिसेंबर ते ३१ डिसेंबर २०२० या कालावधीत राबविले जाणार आहे. याअंतर्गत राज्यातील सुमारे ८ कोटी ६६ लाख २५ हजार २३० लोकसंख्येचे सर्वेक्षण करण्यात येणार आहे. त्यात ग्रामीण भागातील संख्या ६ कोटी ८२ लाख २३ हजार ३९८ एवढी असून जोखीमग्रस्त शहरी लोकसंख्या १ कोटी ८४ लाख एवढी आहे. पालकमंत्री, महापौर, जिल्हा परिषद अध्यक्ष, सरपंच यांनी आपल्या कार्यक्षेत्रात ही मोहीम यशस्वी करावी, असे आवाहन आरोग्यमंत्री राजेश टोपे यांनी केले आहे. कुष्ठरुग्ण व क्षयरुग्णांच्या लवकर निदानासाठी विविध उपाययोजना सुचविल्या जात आहेत. रोग शास्त्रीय अभ्यासानुसार या दोन्ही आजाराचे रुग्ण निदान व औषधोपचारापासून वंचित राहिल्यास रुग्णाला या रोगांपासून निर्माण ...

  औरंगाबाद विभाग पदवीधर मतदारसंघ निवडणूक; ही ९ कागदपत्रे ग्राह्य नांदेड (युगनायक न्युज नेटवर्क) दि. ३० :-  निवडणूक आयोगाच्या प्रसिद्धी  पत्रकानुसार औरंगाबाद विभाग पदवीधर मतदारसंघ निवडणूक २०२० साठी मतदारांना सुकर मतदान करता यावे यासाठी पुढील ९ कागदपत्रे मतदाराची ओळख म्हणून पटविण्यासाठी पुरावा म्हणून ग्राह्य धरली जातील. यात १) आधार कार्ड २) वाहन चालक परवाना ३) पॅन कार्ड ४) पारपत्र (पासपोर्ट) ५) केंद्र/राज्य शासन/सार्वजनिक उपक्रम/स्थानिक स्वराज संस्था किंवा खाजगी औद्योगिक संस्थेने वितरीत केलेले सेवा ओळखपत्र ६) मा. खासदार/आमदार यांचे अधिकृत ओळखपत्र ७) संबंधित पदवीधर/शिक्षक मतदार संघातील शिक्षण संस्थेत कार्यरत असलेल्या पदवीधर/शिक्षक मतदारांना वितरीत केलेले सेवा ओळखपत्र ८) विद्यापीठाद्वारे वितरित पदवी/पदवीका मुळ प्रमाणपत्र ९) सक्षम प्राधिकरणाने वितर‍ित केलेले अपंगत्वाचे मुळ प्रमाणपत्र हे कागदपत्रे पुरावा म्हणून ग्राह्य धरण्याबाबत निवडणूक आयोगाने आदेशित केले आहे. नांदेड जिल्ह्यातील मतदानाचे प्रमाण वाढविण्याच्या अनुषंगाने जिल्ह्यातील अंतिम करण्यात आलेल्या मतदार यादीतील पात्र उमेद...

अमरावती विभाग शिक्षक मतदारसंघाच्या निवडणुकीसाठी उद्या मतदान          मतदान केंद्रे सुसज्ज कोरोना प्रतिबंधासाठी आवश्यक दक्षता पथके केंद्रावर पोहोचली  अमरावती, दि. 30 : अमरावती विभाग शिक्षक मतदार संघाच्या निवडणूकीसाठी उद्या, मंगळवारी (1 डिसेंबर) सकाळी 8 ते सायंकाळी 5 दरम्यान मतदान होणार असून, त्यासाठी विभागातील पाचही जिल्ह्यांतील मतदान केंद्रे सुसज्ज करण्यात आली आहेत. विभागातील जिल्हा मुख्यालयातून आज निवडणूक साहित्याचे वाटप होऊन मतदान पथके पोलीस बंदोबस्तात मतदान केंद्रावर येऊन पोहोचली आहेत. मतदान  कोरोना साथीच्या पार्श्वभूमीवर सर्व मतदान केंद्रांचे निर्जंतुकीकरण करण्यात आले असून, तपासणीसाठी आरोग्य पथकांची नियुक्ती करण्यात आली आहे.     निवडणूकीसाठी अमरावती विभागात 75 मतदान केंद्रांसह 2 सहाय्यकारी मतदान केंद्रे अशी *एकूण 77 मतदान केंद्रे* आहेत. मतदान केंद्र क्र. 46 (बुलडाणा) व 53 (वाशिम) या ठिकाणी एकूण मतदारांची संख्या एक हजारपेक्षा जास्त असल्यामुळे त्याठिकाणी प्रत्येकी एक सहाय्यकारी मतदान केंद्र देण्यात आले आहे. सर्व मतदान केंद्रावर व्हिडीओ...

 विधानसभा अध्यक्षपदाच्या वर्षपूर्तीची दमदार वाटचाल… महाविकास आघाडीचे सरकार राज्यात स्थापन झाल्यावर १ डिसेंबर २०१९ रोजी विधानसभा अध्यक्षपदी श्री. नाना पटोले यांची विधानसभेद्वारे बिनविरोध निवड  करण्यात आली. विधानसभा अध्यक्षपदाच्या त्यांच्या कारकीर्दीस एक वर्ष पूर्ण होत आहे. कोरोना संकटाचा एकीकडे तीव्रतेने मुकाबला करीत असताना दुसरीकडे लोकहिताच्या अनेक प्रश्नांना न्याय मिळावा यासाठी त्यांनी घेतलेला पुढाकार आणि आयोजित केलेल्या बैठका महत्त्वाच्या ठरल्या आहेत. कोरोना काळातील मदतकार्य, भंडारा जिल्ह्यातील पूरग्रस्तांना  नुकसानभरपाई प्राप्त करून देणे, दूधप्रक्रिया प्रकल्प सुरु करणे, महाराष्ट्रातील युपीएससी उत्तीर्ण उमेदवारांचा प्रथमच विधीमंडळात झालेला  शानदार गौरव सोहळा, नागपूर विधानभवन येथे कायमस्वरूपी आस्थापना सुरु करणे, ओबीसींना त्यांचे न्याय्य हक्क मिळावे यादृष्टीने सातत्याने पाठपुरावा आणि ओबीसींच्या जातीनिहाय जनगणनेसाठी विधानसभेत ठराव तसेच गावगाड्यातील महत्त्वाचे घटक असणाऱ्या बाराबलूतेदारांच्या आणि मुस्लीम ओबीसींच्या व्यथावेदना जाणून त्यांना उचित मदत व मार्...

मुख्यमंत्री उद्धव ठाकरे यांचे संत श्री गुरु नानक यांना जयंतीनिमित्त अभिवादन; जन्मोत्सवाच्या दिल्या शुभेच्छा मुंबई दि. ३० –   शीख धर्माचे संस्थापक आणि शिखांचे पहिले गुरू संत श्री गुरु नानक यांची आज जयंती.  त्यानिमित्त मुख्यमंत्री श्री. उद्धव ठाकरे यांनी त्यांना अभिवादन केले आहे. मुख्यमंत्री म्हणतात ‘ईश्वर एकच आहे आणि तो चराचरात आहे’ असा संदेश त्यांनी दिला. प्रत्येकाशी सन्मानाने आणि प्रेमपूर्वक आदराने वागण्याची त्यांची  शिकवण आजच्या काळात खूप महत्त्वाची आहे. संत श्री गुरु नानक यांना जयंतीनिमित्त त्रिवार प्रणाम आणि त्यांच्या जन्मोत्सवाच्या शुभेच्छा.

  वाशिम जिल्ह्यातील आजचा   कोरोना_अलर्ट (दि. ३० नोव्हेंबर २०२०, सायं. ६.०० वा.)   जिल्ह्यात आणखी ०९ कोरोना बाधित   काल रात्री उशिरा व आज सायंकाळी ६ वाजेपर्यंत प्राप्त अहवालानुसार वाशिम शहरातील सुंदरवाटिका येथील १, मालेगाव तालुक्यातील मुसळवाडी येथील १,  वारंगी  येथील १, इराळा कॅम्प येथील १, जऊळका येथील १, मंगरूळपीर तालुक्यातील  पिंपळगाव  येथील १, वनोजा येथील १, कारंजा लाड शहरातील  पहाडपुरा  येथील १, मालेगाव येथील १ व्यक्ती कोरोना बाधित असल्याचे निदान झाले आहे. तसेच जिल्ह्यात उपचार घेत असलेल्या १७ जणांना आज डिस्चार्ज देण्यात आला आहे.   कोरोना बाधितांची सद्यस्थिती   एकूण पॉझिटिव्ह  –  ६१६६ ऍक्टिव्ह  –  २३५ डिस्चार्ज  –  ५७८३ मृत्यू  –  १४७   (टीप : वरील आकडेवारी जिल्ह्यात तसेच जिल्ह्याबाहेर उपचार घेणाऱ्या बाधितांची आहे. इतर कारणाने झालेल्या एका मृत्यूचा यामध्ये समावेश नाही.)

  जिल्हा न्यायालयात संविधान दिन साजरा वाशिम, दि. २९ (जिमाका) : जिल्हा न्यायालयात २६ नोव्हेंबर रोजी संविधान दिवस साजरा करण्यात आला. यानिमित्त आयोजित विशेष कार्यक्रमाच्या अध्यक्षस्थानी जिल्हा न्यायाधीश एस. एम. मेनजोगे होते. भारतरत्न डॉ. बाबासाहेब आंबेडकर यांच्या प्रतिमेला पुष्पहार अर्पण करून कार्यक्रमाला सुरुवात झाली. यावेळी तदर्थ जिल्हा न्यायाधीश डॉ. रचना तेहरा, श्री. भरड, दिवाणी न्यायाधीश एस. पी. शिंदे, मुख्य न्यायदंडाधिकारी स्वाती फुलबांधे तसेच सर्व सन्माननीय न्यायाधीश, वकील उपस्थित होते. याप्रसंगी ऍड. पी. पी. आंभोरे यांनी 'भारतीय संविधानाची वैशिष्ट्ये' या विषयावर विचार व्यक्त केले. तसेच संविधान तयार करण्यामध्ये डॉ. बाबासाहेब आंबेडकर यांच्या योगदानाबद्दल माहिती दिली. त्यानंतर मुख्य न्यायदंडाधिकारी स्वाती फुलबांधे यांच्या मार्गदर्शनाखाली संविधानाच्या उद्देशिकेचे सामूहिक वाचन करण्यात आले. आभार वकील संघाच्या अध्यक्ष ऍड. छाया मवाळ यांनी मानले

  वाशिम जिल्ह्यातील आजचा   कोरोना अलर्ट (दि. २९ नोव्हेंबर २०२०, सायं. ६.०० वा.) जिल्ह्यात आणखी ५५ कोरोना बाधित काल रात्री उशिरा व आज सायंकाळी ६ वाजेपर्यंत प्राप्त अहवालानुसार वाशिम शहरातील शुक्रवार पेठ येथील १, सिव्हील लाईन परिसरातील ७, लाखाळा येथील १, तोंडगाव येथील १, मालेगाव शहरातील १, करंजी येथील २, बोरगाव येथील १, इराळा कॅम्प येथील १, रिसोड शहरातील एकता नगर येथील १, अनंत कॉलनी येथील १, शिवाजी नगर येथील २, शहरातील इतर ठिकाणचा १, भोकरखेड येथील २, सवड येथील २, कवठा येथील १, मंगरूळपीर शहरातील लक्ष्मी विहार कॉलनी परिसरातील २, मारोती कला मंदिर परिसरातील १, राधाकृष्ण नगर येथील १, विठ्ठल मंदिर परिसरातील १, जांब  रोड येथील १, शहरातील इतर ठिकाणचा १, नवीन सोनखास येथील १, सोनखास येथील ३, कोळंबी येथील १, कासोळा येथील १, कंझारा येथील १, मानोरा शहरातील १, सोमनाथ नगर येथील १, गुंडी येथील १, आसोला खु. येथील २, साखरडोह येथील १, धामणी येथील १, कारंजा लाड शहरातील शिक्षक कॉलनी परिसरातील १, पोलीस स्टेशन परिसरातील ५, शहरातील इतर ठिकाणच्या २, सोहोळ येथील १ व्यक्ती कोरोना बाधित असल्याचे निदान...

  दाभाडी गावात आज पाण्याची गंगा आली; यापुढे विकास गंगा वाहील : कृषिमंत्री दादाजी भुसे दाभाडीत विकास कामांचा भूमिपूजन व लोकार्पण सोहळा संपन्न  मालेगाव ,  दि .  28  ( युगनायक न्युज नेटवर्क )  : राष्ट्रीय ग्रामीण पेयजल योजनेंतर्गत तळवाडे धरणाच्या पाणीपुरवठा योजनेतून दाभाडी गावात आज पाण्याची गंगा आली आहे, येथून पुढे विकासाची गंगा वाहील, असे प्रतिपादन कृषिमंत्री दादाजी भुसे यांनी आज केले. तालुक्यातील दाभाडी येथे तळवाडे धरणाच्या पाणीपुरवठा योजनेचे लोकार्पण व विविध विकास कामांच्या शुभारंभप्रसंगी मंत्री श्री.भुसे बोलत होते. यावेळी प्र.सरपंच सुभाष नहिरे, जि.प.सदस्य संगिता निकम, यांच्यासह ग्रामपंचायत सदस्य व गावकरी उपस्थित होते. शासनाच्या वर्षपूर्ती निमित्त विविध विकास कामांच्या शुभारंभासह लोकार्पण करताना विलक्षण आनंद होत असल्याचे सांगत मंत्री श्री.भुसे म्हणाले. 12 गाव पाणीपुरवठा योजनेचे लोकार्पण करताना विशेषत: महिलांच्या चेहऱ्यावरील आनंद पाहून वचनपूर्ती झाल्याची भावना त्यांनी व्यक्त केली. आज भूमिपूजन केलेली सर्व कामे दर्जेदार पध्दतीने झाली पाहिजे असे निर्देशही त्यां...

  शिक्षणाचे जनक क्रांतिसूर्य महात्मा जोतीबा फुले यांच्या विचारांचा वारसा पुढे चालवण्यासाठी आमचा एक प्रयत्न....! मा. अंजलीताई आंबेडकर यांचा वाढदिवस साजरा करण्यापूर्वी ताईंनी पत्राद्वारे सूचना दिल्या कीं कुणाचेही वाढदिवस हा विनाकारण पैसे खर्च करून आणि देखावा करून न करता एखाद्या गरजवंताला मदत करून माझा वाढदिवस साजरा करा व आजच्या दिवशी कु.साक्षी संतोष सातव व तुषार संतोष सातव निमजगा वाशिम येथील दोन्ही भावंडांना किरणताई गिऱ्हे अखिल भारतीय माळी महासंघ राष्ट्रीय अध्यक्षा महिला आघाडी तथा प्रदेश सदस्या वंचित बहुजन महिला आघाडी यांनी मा. अंजलीताई यांच्या वाढदिवसानिमित्त जाधव कुटुंबातील दोन मुलाना पुढील शिक्षणासाठी दत्तक घेतले.

प्रधानमंत्री नरेंद्र मोदी यांनी दिली सीरम इन्स्टिट्यूट ऑफ इंडियाला भेट पुणे, दि.२८:- प्रधानमंत्री नरेंद्र मोदी यांनी आज  सीरम इन्स्टिट्यूट ऑफ इंडियाला भेट देऊन कोविड-१९ विषाणू प्रतिबंधात्मक लस विकास, उत्पादन, वितरण, साठवण आणि व्यवस्थापन प्रक्रियेची माहिती घेतली. यावेळी सीरम इन्स्टिट्यूट ऑफ इंडियाचे मुख्य कार्यकारी संचालक डॉ. सायरस पुनावाला, मुख्य कार्यकारी अधिकारी अदर पुनावाला, कार्यकारी संचालक नताशा पुनावाला, शास्त्रज्ञ तसेच संबंधित विभागाचे वरिष्ठ अधिकारी उपस्थित होते.   प्रारंभी अदर पुनावाला यांनी संस्थेची माहिती दिली. त्यानंतर प्रधानमंत्री श्री. मोदी यांनी सीरम इन्स्टिट्यूट ऑफ इंडिया या संस्थेतील कोविड-१९ प्रतिबंधात्मक लस निर्मितीच्या अनुषंगाने सुरु असलेल्या कामाची   पाहणी केली. यावेळी त्यांना लस देण्याच्या प्रयत्नांची पूर्वतयारी, आव्हाने आणि नियोजन यांची माहिती शास्त्रज्ञांनी दिली

  ‘लॉकडाऊन’च्या मार्गदर्शक सूचनांना ३१ डिसेंबरपर्यंत मुदतवाढ वाशिम ,   दि. २८ (जिमाका) :  जिल्ह्यात १ ऑक्टोंबर २०२० पासून लॉकडाऊनच्या सुधारित मार्गदर्शक सूचना लागू करण्यात आल्या आहेत. राज्य शासनाच्या २७ नोव्हेंबर २०२० च्या आदेशानुसार सदर मार्गदर्शक सूचना आता ३१ डिसेंबर २०२० पर्यंत लागू राहणार आहेत. याबाबतचे आदेश जिल्हा आपत्ती व्यवस्थापन प्राधिकरणचे अध्यक्ष तथा जिल्हाधिकारी षण्मुगराजन एस. यांनी २७ नोव्हेंबर २०२० रोजी निर्गमित केले आहेत. या आदेशाची अंमलबजावणी करण्यास टाळाटाळ केल्यास अथवा विरोध दर्शविल्यास संबंधितांविरुद्ध आपत्ती व्यवस्थापन अधिनियम २००५ चे कलम ५१ ते ६० ,   भारतीय दंड संहीता १८६० चे कलम १८८ अन्वये कारवाई करण्यात येईल ,  जिल्हा आपत्ती व्यवस्थापन प्राधिकरणचे अध्यक्ष तथा जिल्हाधिकारी षण्मुगराजन एस. यांनी निर्गमित केलेल्या आदेशात म्हटले आहे.

वाशिम जिल्ह्यातील आजचा   कोरोना_अलर्ट (दि. २८ नोव्हेंबर २०२०, सायं. ६.०० वा.)   जिल्ह्यात आणखी ३६ कोरोना बाधित   काल रात्री उशिरा व आज सायंकाळी ६ वाजेपर्यंत प्राप्त अहवालानुसार रिसोड शहरातील शिवाजी नगर येथील १, सिव्हील लाईन येथील २, गायकवाड गल्ली येथील २, लोणी फाटा येथील १, लोणी येथील १, मंगरूळपीर शहरातील एसबीआय जवळील १, शहरातील इतर ठिकाणची १, सोनखास येथील १, आजगाव येथील २, येडशी येथील ३, पिंपळगाव येथील ४, वनोजा येथील १, मानोरा शहरातील ५, शिवणी येथील १, पोहरादेवी येथील २, विळेगाव येथील १, कारंजा लाड शहरातील सुंदरवाटिका येथील ३, शिक्षक कॉलनी येथील ३, शहरातील इतर ठिकाणची १ व्यक्ती कोरोना बाधित असल्याचे निदान झाले असून ३४ जणांना डिस्चार्ज देण्यात आला आहे.   कोरोना बाधितांची सद्यस्थिती   एकूण पॉझिटिव्ह  –  ६१०२ ऍक्टिव्ह  –  २०९ डिस्चार्ज  –  ५७४५ मृत्यू  –  १४७   (टीप : वरील आकडेवारी जिल्ह्यात तसेच जिल्ह्याबाहेर उपचार घेणाऱ्या बाधितांची आहे. इतर कारणाने झालेल्या एका मृत्यूचा यामध्ये समावेश नाही.)

आमदार भारत भालके यांच्या निधनाने समाजातल्या दुर्बल घटकांसाठी झटणारा लोकप्रिय नेता गमावला महसूलमंत्री बाळासाहेब थोरात यांनी वाहिली श्रद्धांजली मुंबई, दि. 28 : पंढरपूर-मंगळवेढा विधानसभा मतदारसंघाचे आमदार भारतनाना भालके यांच्या निधनामुळे  जनसामान्यांशी घट्ट नाळ असलेला,  शेतकरी, कष्टकरी, वंचित, उपेक्षित, समाजातल्या दुर्बल घटकांसाठी झटणारा लोकप्रिय नेता, एक कार्यक्षम लोकप्रतिनिधी आणि चांगला सहकारी गमावला आहे, या शब्दांत मसूल मंत्री बाळासाहेब थोरात यांनी आमदार भारतनाना भालके यांना श्रद्धांजली वाहिली आहे. आमदार भारत भालके यांचे निधन ही दुःखद घटना आहे. पंढरपूर- मंगळवेढ्यातल्या दुष्काळी भागाला पाणी मिळवून देण्यासह त्या भागाच्या विकासासाठी त्यांनी तळमळीने काम केले. सोलापूर जिल्ह्याच्या विकासासाठीही त्यांनी सातत्याने आवाज उठवला. जिल्ह्याचे प्रश्न सोडविण्यासाठीही त्यांचे अविरत प्रयत्न सुरू होते. शेतकरी, कष्टकरी, वंचित, उपेक्षित, समाजातल्या दुर्बल घटकांचा विकास केंद्रस्थानी ठेवून राजकारण, समाजकारण करणाऱ्या भारतनानांच्या निधनाने  पंढरपूर-मंगळवेढा मतदारसंघातील जनतेची हानी झाली आहे, या श...

  क्रांतीसूर्य महात्मा फुले यांच्या स्मृतिदिनानिमित्त उपमुख्यमंत्री अजित पवार यांच्याकडून  अभिवादन मुंबई, दि.28 : सामाजिक समतेचे पुरस्कर्ते, स्त्रीशिक्षणाचे प्रणेते, क्रांतीसूर्य महात्मा जोतिराव फुले यांच्या स्मृतिदिनानिमित्त त्यांना उपमुख्यमंत्री अजित पवार यांनी अभिवादन केले असून, थोर समाजसुधारक महात्मा जोतिराव फुले यांचे सत्यशोधक विचार, शेतकरी, बहुजन समाजाबद्दलचे त्यांचे धोरणच राज्याला व देशाला विकासाच्या वाटेवर पुढे घेऊन जाईल, अशा शब्दात त्यांनी  महात्मा फुले यांच्याबद्दल आदर व कृतज्ञता व्यक्त केली.  महात्मा फुले यांच्या स्मृतीदिनानिमित्त आदरांजली वाहताना उपमुख्यमंत्री अजित पवार म्हणाले, क्रांतीसूर्य महात्मा जोतिराव फुले यांनी बहुजन समाजाला शिक्षणाचे महत्त्व पटवून सन्मानाने जगण्याची ताकद दिली. स्त्रियांसाठी शिक्षणाची दारे खुली करुन त्यांना मुख्य प्रवाहात आणले. अज्ञान, अंधश्रद्धा, अस्पृश्यता, जातिभेद, धर्मव्यवस्थेच्या गुलामगिरीतून समाजाला बाहेर काढून वैचारिक, सामाजिक क्रांती घडवली. राज्यकर्त्यांनी त्यांची धोरणे शेतकरी व बहुजन समाजाला केंद्रस्थानी ठेवून आखली पाहिजेत...

जिल्ह्यातील पोस्ट ऑफिस, बँकेमध्ये ५ वर्षांखालील बालकांच्या आधार नोंदणीस प्राधान्य वाशिम ,  दि. २७ :   जिल्ह्यातील ० ते ५ वयोगटातील बालकांच्या आधार नोंदणीचे प्रमाण वाढविण्यासाठी विशेष प्रयत्न सुरु करण्यात आले आहेत. त्यानुसार  बँक व पोस्ट ऑफिसमध्ये होणाऱ्या आधार नोंदणीत आता ० ते ५ वयोगटातील बालकांच्या आधार नोंदणीला प्राधान्य देण्यात येणार असल्याचे जिल्हाधिकारी कार्यालयामार्फत कळविण्यात आले आहे. इतर वयोगटांच्या तुलनेत ० ते ५ वयोगटातील बालकांची आधार नोंदणी कमी आहे. त्यामुळे या वयोगटातील आधार नोंदणीचे प्रमाण वाढविण्यासाठी विशेष शिबिरांचे आयोजन करण्याबाबत आधार केंद्र चालक व संबधित शासकीय कार्यालयांची सभा २३ नोव्हेंबर रोजी घेण्यात आली आहे. १ डिसेंबर २०२० पासून या बालकांच्या आधार नोंदणीसाठी विशेष शिबिरांचे आयोजन करण्यात येणार आहे. तसेच  बँक व पोस्ट ऑफिसमध्ये होणाऱ्या आधार नोंदणीत ० ते ५ वयोगटातील बालकांच्या आधार नोंदणीला प्राधान्य देण्यात येणार आहे. तरी नागरिकांनी बँक अथवा पोस्ट ऑफिसमध्ये जावून आपल्या ० ते ५ वर्षे वयोगटातील बालकांची आधार नोंदणी करून आधार कार्ड प्राप्त करून घ...

वन स्टॉप सेंटर हक्काच्या जागेत कार्यान्वित होण्यासाठी प्रयत्न करा – महिला व बाल विकास मंत्री ॲड यशोमती ठाकूर जळगाव, ( युगनायक न्युज नेटवर्क ) दि. 27 –  पीडित महिलांच्या अडीअडचणी सोडविण्यासाठी महिला व बाल विकास विभागामार्फत वन स्टॉप सेंटर सुरु करण्यात आले आहे. जळगाव जिल्ह्यात या सेंटरच्या बांधकामासाठी प्रशासनाने जागा उपलब्ध करुन दिली आहे. सदर सेंटरच्या बांधकामासाठी केंद्र शासनाकडून निधी मिळवून बांधकाम लवकरात लवकर सुरु होईल यासाठी प्रयतन करावेत. अशा सुचना राज्याच्या महिला व बाल विकास मंत्री ॲड यशोमती ठाकूर यांनी दिले. येथील जिल्हाधिकारी कार्यालयाच्या सभागृहात मंत्री ॲङ ठाकूर यांच्या अध्यक्षतेखाली कोविड आढावा बैठक संपन्न झाली, यावेळी त्या बोलत होत्या. या बैठकीस बैठकीस आमदार शिरीष चौधरी, जिल्हाधिकारी अभिजीत राऊत, जिल्हा परिषदेचे मुख्य कार्यकारी अधिकारी डॉ. बी. एन. पाटील, जिल्हा पोलीस अधिक्षक डॉ प्रवीण मुंडे, महापालिका आयुक्त सतीश कुलकर्णी, शासकीय वैद्यकीय महाविद्यालयाचे अधिष्ठाता डॉ. जयप्रकाश रामानंद, जिल्हा शल्य चिकित्सक डॉ. एन. एस. चव्हाण, जिल्हा आरोग्य अधिकारी डॉ. जमादार, विभागीय उप...

क्रीडा प्रमाणपत्र देण्यासाठी नवीन नियमावली आणणार – क्रीडा व युवक कल्याण मंत्री सुनील केदार मुंबई, ( युगनायक न्युज नेटवर्क )दि. 27 : राज्यामध्ये बोगस प्रमाणपत्राच्या आधारे खेळाडू दाखवून शासकीय सेवेचा लाभ घेतल्याचे प्रकार उघडकीस आले आहेत. असे प्रकार भविष्यात होणार नाहीत यासाठी नवीन नियमावली आणणार असल्याचे, क्रीडा व युवक कल्याण मंत्री सुनील केदार यांनी सांगितले.   राज्यातील क्रीडा विभागाच्या विभागनिहाय आढावा बैठकीचे मंत्रालयात आयोजन करण्यात आले, त्यावेळी ते बोलत होते. यावेळी क्रीडा राज्यमंत्री कु.आदिती तटकरे, क्रीडा विभागाचे आयुक्त ओम प्रकाश बकोरिया यांच्या सह क्रीडा विभागाचे वरिष्ठ अधिकारी बैठकीस उपस्थित होते.   श्री. केदार म्हणाले, राज्यात यापुढे बोगस प्रमाणपत्र देण्याचे कोणाचे धाडस होणार नाही. कोणी मागण्याची हिंमतही करणार नाही, अशी नियमावली तयार करण्यात येणार आहे. नोकरीत प्रमाणपत्राचा लाभ घेताना प्रमाणपत्र पडताळणी करण्यासाठी प्रभावी उपाययोजना करण्यात येणार आहे.   राज्यात उभारण्यात येणाऱ्या क्रीडा संकुलासाठी जो निधी वितरित करण्यात आला. त्याची कामे तातडीने सुरु करावीत. जागे...

  सूक्ष्म नियोजन करून क्षय व कुष्ठ रुग्णांचा शोध घ्यावा -            जिल्हाधिकारी षण्मुगराजन एस. ·          संयुक्त क्षयरुग्ण, कुष्ठरुग्ण शोध अभियान समिती सभा वाशिम ,  दि. २७ :  जिल्ह्यात क्षयरुग्ण आणि कुष्ठरुग्णांचे प्रमाण कमी झाले पाहिजे. अशा रुग्णांचे प्रमाण कमी करण्यासाठी सूक्ष्म नियोजन करून जिल्ह्यातील रुग्णांचा शोध घेवून त्यांच्यावर औषधोपचार करावेत, असे निर्देश जिल्हाधिकारी षण्मुगराजन एस. यांनी दिले. जिल्हाधिकारी कार्यालयातील वाकाटक सभागृहात आज, २७ नोव्हेंबर रोजी झालेल्या संयुक्त सक्रीय क्षयरुग्ण शोध मोहीम व कुष्ठरुग्ण शोध अभियानविषयक जिल्हा समन्वय समितीच्या सभेत ते बोलत होते. यावेळी जिल्हा परिषदेचे मुख्य कार्यकारी अधिकारी मंगेश मोहिते, जिल्हा शल्य चिकित्सक डॉ. मधुकर राठोड, जिल्हा समाज कल्याण अधिकारी अंबादास मानकर, जिल्हा हिवताप अधिकारी कार्यालयाचे डॉ. देशमुख, जिल्हा क्षयरोग कार्यालयाचे वैद्यकीय अधीक्षक डॉ. सतीश परभणकर, क्षयरोग कार्यालयाचे जिल्हा कार्यक्रम समन्वयक समाधान लोनसुने यां...