निकोप व निरोगी दात म्हणजे सुदृढ आरोग्याची नांदी होय : डॉ . अनुप सांबापुरे

 निकोप व निरोगी दात म्हणजे सुदृढ आरोग्याची नांदी होय : डॉ . अनुप सांबापुरे     

                     

मालेगाव प्रतिनिधी / सुरज अवचार

निकोप व निरोगी दात म्हणजे खऱ्या अर्थाने सुदृढ आरोग्याची नांदी होय असे उदगार डॉ अनुप सांबापुरे मालेगांव यांनी काढले . ते रामराव झनक महाविद्यालय मालेगावच्या रासेयोच्या दत्तक ग्राम खिर्डा येथे विशेष श्रमसंस्कार शिबिरात दंत तपासणी शिबिरात बोलत होते . ते पुढे म्हणाले की प्रत्येकाने दिवसातून दोन वेळा शास्त्रोक्त पध्दतीने टुथपेस्ट व टुथ ब्रशने दात स्वच्छ करावे. त्यानंतर त्यांनी दातांच्या विविध समस्यांवर् प्रकाश टाकून त्यावर तोडगा सुचविला .नंतर त्यांनी ग्रामस्थ व रासेयो स्वयंसेवक यांच्या दाताची तपासणी करून त्यांना मोफत औषधोपचार दिला . जसे, टुथब्रश ' टुथपेस्ट ,औषध , गोळ्या इत्यादी . अध्यक्षीय भाषणात प्रा . नंदकिशोर गायकवाड म्हणाले की दात व स्वास्थ परस्परावलंबीत आहेत . त्यामुळे दातांची नियमित तपासणी करून निगा राखावी व चॉकलेट खाणे टाळावे असा मूलमंत्र प्रा . नंदकिशोर गायकवाड यांनी उपस्थितांना दिला . प्रास्ताविक भाषणातून रासेयो कार्यक्रम अधिकारी प्रा . डॉ . भिमराव जांभरुणकर यांनी कार्यक्रमाची रूपरेषा मांडली . कार्यक्रमाची सुरुवात संत गाडगेबाबा यांच्या प्रतिमा पूजनाने झाली . सर्व मान्यवरांचे स्वागत वटवृक्ष व कडूलिंब वृक्ष देवून करण्यात आले . या कार्यक्रमाचे सुत्रसंचालन उमेश सरकटेने तर आभारप्रदर्शन विनोद गव्हाणेने केले . कार्यक्रमाला ग्रामस्थ रासेयो स्वयंसेवक मोठया संख्येने उपस्थित होते .