लहुजी साळवे कर्मचारी कल्याण महासंघाच्या रिसोड तालुका अध्यक्षपदी श्री.आत्माराम कांबळे यांची निवड.

 लहुजी साळवे कर्मचारी कल्याण महासंघाच्या रिसोड तालुका अध्यक्षपदी श्री.आत्माराम कांबळे यांची निवड.

 रिसोड (युगनायक न्युज नेटवर्क)दि.२९ऑगष्ट  पुष्पादेवी खडसे पाटील महाविद्यालय रिसोड येथे लहुजी साळवे कर्मचारी महासंघाची सभा संपन्न झाली.सभेच्या अध्यक्षस्थानी प्रा.के.एन.साबळे माजी.नगराध्यक्ष , प्रमुख पाहुणे  श्री.माधवराव रनबावळे, आनंदराव ताकतोडे,श्री.रविभाऊ आढाव (प.स.सदस्य) ,श्री.ज्ञानेश्वर बाजड,(प.स.सदस्य), सामाजिक कार्यकर्ते तथा मानहित लोकशाही पक्षाचे शहरअध्यक्ष श्री.महीपती इंगळे, बाला रत्नपारखी,सभेचे आयोजक व प्रमुख मार्गदर्शक म्हणून श्री वसंतराव जोगदंड सर उपस्थित होते.सर्वप्रथम लहुजी वस्ताद साळवे,साहीत्य रत्न आन्नाभाऊ साठे, भारतरत्न डॉ बाबासाहेब आंबेडकर यांच्या प्रतिमेचे पूजन करण्यात आले.कार्यक्रमाचे प्रास्ताविक लहुजी साळवे कर्मचारी महासंघाचे वाशिम जिल्ह्याचे उपाध्यक्ष श्री वसंतराव जोगदंड सर ह्यांनी केले . प्रास्ताविकातून लहुजी साळवे कर्मचारी महासंघाचे धेय, धोरण, भविष्यकाळात करावयाचा कृती कार्यक्रम निश्चीत करुन समाजाच्या शेवटच्या घटकांपर्यंत विकासाची निश्चित दिशा आदी बाबतीत सविस्तर प्रस्ताविकात माहीती विषद केली.कार्यक्रमामध्ये श्री.बबनराव इंगळे, डॉ.भिमराव साठे ,श्री एम.टी.काबळे, श्री.माधवराव रनबावळे,श्री.एस.जी.काबळे पुंडलिक गवळी यांनी कर्मचारी महासंघाचे वतीने येणाऱ्या भविष्यकाळात अन्नाभाऊ साठे यांचे स्मारक उभे राहिले पाहिजे, समाज विकासासाठी डॉ बाबासाहेब आंबेडकर यांच्या विचाराची गरज असल्याचे मत वक्त्यांनी मांडले, अनुसूचित जातीचे लोकसंख्येच्या प्रमाणात अ,ब,क,ड वर्गीकरण झाले पाहिजे, लहुजी साळवे अभ्यास आयोगाच्या सिफारशी लागु झाल्या पाहिजेत,,आदी विषयांवर चर्चा करण्यात आली,  व त्याचप्रमाणे रिसोड तालुक्यांमध्ये लहुजी साळवे कर्मचारी महासंघाचे संघटन मजबुत करण्यासाठी लहुजी साळवे कर्मचारी महासंघाचे रिसोड तालुका अध्यक्ष पदी रिसोड नगरपरिषद जेष्ठ लिपीक श्री.आत्माराम कांबळे यांची सभेमध्ये एकमताने निवड करण्यात आली.व सभेमध्ये श्री वसंतराव जोगदंड सर व कार्यक्रमाचे अध्यक्ष प्रा.के.एन.साबळे, बबनराव इंगळे यांचे हस्ते नियुक्ती पत्र देवुन सत्कार करण्यात आला व पुढील सामाजिक कार्यासाठी शुभेच्छा दिल्या .कार्यक्रमासाठी प्रकाश थोरात, मारोती पारवे, फकीरा थोरात साहेब, प्रताप साबळे,धिरज साबळे,एस.पी.काबळे,बी.एन.खदारे, दशरथ कांबळे, सुखदेव कांबळे, बबनराव इंगळे, सुनिल दाभाडे, मनोज थोरात, आनंदराव ताकतोडे,के.एच.मानवतकर, रमेश कांबळे माधवराव रनबावळे,  भानुदास डोंगरे,दत्तात्रय दुतोडे, पुंडलिक गवळी.सिताराम वानखेडे, विनोद बाऺगर, संतोष लोखंडे (न.प.)राजु थोरात आदि बहुसंख्य कर्मचारी बांधव उपस्थित होते.कार्यक्रमामध्ये रिसोड तालुका उपाध्यक्षपदी श्री.माधवराव रनबावळे,श्री.एम.टी.काबळे यांची निवड सर्वानुमते करण्यात आली.कार्यक्रमाचे सुत्रसंचलन श्री दत्तात्रेय दुतोडे यांनी केले तर आभार प्रदर्शन श्री सुनील दाभाडे यांनी केले अध्यक्षीय भाषण नंतर कार्यक्रमाची सांगता कोरोनाचे नियम पाळुन कार्यक्रमाची सांगता राष्ट्रगीताने झाली.